ఓం శాంతి ఓం తో యుత్ ని కట్టి పడేసిన దీపికాపదుకొనే ఇప్పుడు మరో కొత్త పాటతో అలరించబోతోంది లవ్ ఆజ్ కల్ హిట్ తో బాలీవుడ్ లో మంచి ఫేం మీద ఉన్న దీపికా ఈ సాంగ్ తో మరింత క్రేజ్ కొట్టేయనుంది''చక్‌దే మాహియా నీదే దునియా...హద్దు దాటి ఆడెయ్‌ డే అండ్‌ నైట్‌, లవ్వంటే మాయ లైఫే ఓ మాయ...నచ్చినట్టు చేసెయ్‌ రాంగ్‌ ఆర్‌ రైట్‌...అంటూ సాగే పాటను బాలీవుడ్ భామ దీపికా పదుకొనేపై 'లవ్ ఫర్‌ ఎవర్‌' కోసం చిత్రీకరించారు. లాఫింగ్‌ వాటర్స్‌ ఎంటర్‌టైన్‌మెంట్‌ పతాకంపై స్వీయ నిర్మాణ దర్శకత్వంలో జయంత్‌ సి.పరాన్జీ ఈ చిత్రాన్ని నిర్మిస్తున్నారు. రణదీప్‌, మృదుల హీరోహీరోయిన్లుగా పరిచయం అవుతున్నారు. అహ్మద్‌ఖాన్‌ నృత్య దర్శకత్వంలో పై పాట చిత్రీకరణ జరిగింది. ఈ సందర్భంగా దీపికా పదుకొనే:'దక్షిణాది నుంచి పలు అవకాశాలు వచ్చినా హిందీ రంగంలో బిజీగా ఉండటం వల్ల నేను అంగీకరించలేదు.జయంత్‌ మంచిస్నేహితుడు కావడం వల్ల ఓ స్పెషల్‌ సాంగ్ చేయాలని కోరారు. కథ వినగానే ఇంతమంచి సినిమాలో నేను ఒక భాగం కావాలన్న ఉద్దేశ్యంతో వెంటనే అంగీకరించాను. కథలో ప్రాధాన్యం ఉన్న పాట అది' దర్శకనిర్మాత జయంత్‌:'షూటింగ్‌ సందర్భంగా దీపికలోని క్రమశిక్షణను,వృత్తిపట్ల ఆమెకు ఉన్న అంకితభావాన్ని చూశాను. అందుకే ఆమెతో హిందీలో ఓ సినిమా చేయాలనిపించి కథ కూడా చెప్పాను. ఆమె ఎంతగానో స్పందించి, హిందీలో చేసేందుకు అంగీకరించింది. ఇక ఈ సినిమా విషయానికి వస్తే, దీపిక పాట ఈ చిత్రంలో ఓ హైలైట్‌గా ఉంటుంది. నాలుగు కెమెరాలతో ఈ పాటను చిత్రీకరించాం. దీనికోసం ప్రేక్షకులు మళ్లీ మళ్లీ సినిమాకు వస్తారు. విభిన్నమైన ప్రేమకథ ఇది.
