mega heroine అవుతున్న కాజల్

అందరికీ టోకరా ఇచ్చే అల్లు అరవింద్ కే తమన్నా కాజా

సినిమాలపై ఎంతైనా ఖర్చు పెడతాడనే పేరున్న నిర్మాత అల్లు అరవింద్ కి ఆర్టిస్టులకి పారితోషికాలు ఇచ్చే విషయంలో మాత్రం గీసి గీసి బేరాలాడతాడనే బ్యాడ్ నేమ్ ఉంది. హీరోలు ఎలాగూ తమ ఫ్యామిలీ వాళ్లే కాబట్టి వాళ్లకి సినిమా రిజల్ట్ ని బట్టి డబ్బులిస్తుంటాడు. ఇక ప్రొడక్షన్ మిగతా నటీనటులు మాత్రం గీతా ఆర్ట్స్ సినిమా అంటే తిట్టుకుంటూ ఉంటారు. అలాగే తెలుగులో మంచి బ్రేక్ కోసం చూస్తున్న తమన్నాని ఒకేసారి రెండు సినిమాల్లో తీసుకుని నామమాత్రపు పారితోషికం ఇవ్వడానికి అల్లు అరవింద్ ఒప్పందం చేసుకున్నాడు. బద్రీనాథ్ సినిమాతో పాటు నాగచైతన్య, సుకుమార్ ల చిత్రంలో తమన్నాని హోల్ సేల్ గా బుక్క చేసుకున్నాడు. తెలుగులో బ్రేక్ కోసం చూస్తున్న తమన్నా తక్కువ మొత్తానికే నటించడానికి రెడీ అయింది. అయితే ఇంతలో తమన్నాకి తెలుగులో డిమాండ్ పెరిగింది. చాలా మంది అవకాశాలిస్తున్నారు. మరోవైపు తమిళ సినిమాలు ఎలాగో ఉన్నాయి. దాంతో తమన్నా అల్లు అరవింద్ సినిమాకి సరిగా డేట్లివ్వకుండా తప్పించుకు తిరుగుతోంది. ఆమె కారణంగా ఇప్పటికే పలు షెడ్యూల్స్ దెబ్బతిని కొంత నష్టం కూడా జరిగింది. అందరికీ టోకరా ఇచ్చే అల్లు అరవింద్ కే తమన్నా కాజా తినిపించిందని అతని బాధితులు సంబరపడుతున్నారు

గ్లామర్ అంతా కొంత కొంతగా చూపుతుందట ఈ ముద్దుగుమ్మ

గత సంవత్సరం తెలుగు తెరకు పరిచయమైన కథానాయికల్లో ఒక్క చిత్రంతోనే అత్యంత పాపులారిటీని సంపాదించుకున్న తారల్లో సమంత ఒకరు. తొలి చిత్రం ఏ మాయ చేశావేలో చీరకట్టులో హోయలు ఒలికించి, మలి చిత్రం బృందావనంలో గ్లామర్‌డోసును పెంచిన ఈ చెన్నై భామ ఆ రెండు చిత్రాల ద్వారా విజయాన్ని అందుకున్నారు. ప్రస్తుతం ప్రిన్స్ మహేష్ బాబు సరసన దూకుడు అనే సినిమాలో నటిస్తున్నారు. మహేష్ ‌బాబు కథానాయకుడుగా నటిస్తున్న ఈ చిత్రానికి శ్రీను వైట్ల దర్శకుడు. ఈ చిత్రంలో గ్లామర్‌తో పాటు అభినయానికి ఆస్కారమున్న పాత్రను చేస్తున్నారట సమంత. అయితే గ్లామర్ విషయంలో మీ అభిమతం ఏమిటని ఈ తారను ప్రశ్నిస్తే- ‘‘గ్లామర్ విషయంలో నాకు కొన్ని హద్దులున్నాయి. అయినా నాలో వున్న గ్లామర్ మొత్తం ఒకే సినిమాలో ప్రదర్శిస్తే ఇక తదుపరి చిత్రాల్లో చూపించటానికి ఏమీ వుండదు. అందుకే అవసరానికి తగ్గట్టు, పాత్రకు తగ్గట్టు లెక్కలేసుకొని మరీ గ్లామర్ పండిస్తాను. చిత్రంలోని నా పాత్ర, సన్నివేశం డిమాండ్ చేసినప్పుడు తప్పక గ్లామరస్‌గా కనిపించటానికి ప్రయత్నిస్తాను. అందుకే నా తొలిచిత్రంలో పాత్రను బట్టి చీరకట్టులో కనిపిస్తే, రెండో చిత్రంలో మోడ్రన్ అమ్మాయిగా కనిపించాను. అయితే ఈ విషయంలో ప్రేక్షకులు చూసే కోణంలోనూ, దర్శకుడు చూపించే విధానంలోనూ గ్లామర్ డోసు ఆధారపడి వుంటుంది. ఏ సన్నివేశంలో ఏ డ్రెస్‌కి ఎంత ఎక్స్‌పోజింగ్ వుంటుందో కూడా నాకు తెలుసు’’ అంటూ చెప్పారు ఈ ముద్దుగుమ్మ.

కథ-స్క్రీన్ ప్లే - దర్శకత్వం: అప్పల్రాజు ఫిబ్రవరి 4న విడుదల

రాంగోపాల్ వర్మ దర్శకత్వంలో రూపొందుతున్న కథ-స్క్రీన్ ప్లే - దర్శకత్వం: అప్పల్రాజు చిత్రాన్ని ఫిబ్రవరి 4న విడుదల చేయడానికి సన్నాహాలు చేస్తున్నారు. సునీల్, స్వాతి, సాక్షి ఇందులో హీరోహీరోయిన్లు. వందిత కోనేరు సమర్పణలో శ్రేయ నిర్మాణంలో కిరణ్ కుమార్ ఈ చిత్రాన్ని నిర్మిస్తున్నారు. నిర్మాత మాట్లాడుతూ.. సినిమా మొత్తం సినిమా నేపథ్యంలోనే సాగుతుంది. సినిమాలంటే ప్రాణం పెట్టే ఓ ప్రేక్షకుడు దర్శకునిగా మారి ఎలాంటి సంచలనాలకు కేంద్రబిందువు అయ్యాడన్నదే ఈ చిత్రం ప్రధాన కథాంశం. వినోదానికి పెద్దపీట వేశాం. వారానికోపాటు చొప్పున ఆరు పాటలను మార్కెట్లోకి విడుదల చేశాం. పాటలకు విశేష స్పందన లభిస్తోంది. రాంగోపాల్ వర్మ ఈ చిత్రం ద్వారా పాటల రచయితగా పరిచయం కావడం విశేషం. వర్మ మార్కు వినోదం ప్రేక్షకులను ఖచ్చితంగా ఆకట్టుకుంటుంది. నిర్మాణానంతర కార్యక్రమాలు తుది దశకు చేరుకున్నాయి. వచ్చే నెల 4న చిత్రాన్ని విడుదల చేయబోతున్నాం అని తెలిపారు. బ్రహ్మానందం, కోట, అలీ, తనికెళ్ల భరణి, ఎమ్మెస్, ధర్మవరపు సుబ్రహ్మణ్యం, రఘుబాబు తదితరులు నటించారు. ఈ చిత్రానికి
రచన: నికేష్,
పాటలు: కలువ సాయి,రాంగోపాల్ వర్మ,
సంగీతం: కోటి,
సహనిర్మాత: సుమన్ వర్మ

ప్రతిష్టాత్మకంగా రూపొందించదలుచుకున్న బెజవాడ రౌడీలు

రామ్ గోపాల్ వర్మ ప్రతిష్టాత్మకంగా రూపొందించదలుచుకున్న బెజవాడ రౌడీలు చిత్రంలో నాగచైతన్యను హీరోగా ఎంపిక చేసే అవకాశమున్నట్లు తెలుస్తోంది. ఈ మేరకు నాగార్జునతో చర్చించారని,శివ రేంజిలో ఈ చిత్రాన్ని మలచాలని వర్మ భావిస్తున్నారని తెలుస్తోంది. త్వరలోనే ఈ విషయాన్ని ఆయన మీడియాకు వెళ్ళడించి సంచలనం రేపనున్నారని చెప్తున్నారు. ఇక తన చిత్రం విజయవాడ..రౌడీ పాలిటిక్స్ చుట్టూ తిరుగుతుందని ఆయన అంటున్నారు. ఈ విషయమై ఆయన విడుదల చేసిన ప్రెస్ నోట్ లో...నాకు విజయవాడతో విడతీయలేని అనుభందం ఉంది. అక్కడ రౌడీయిజాన్ని, వారి మధ్య జరిగే గొడవ లను నేను కాలేజీలో చదువుకునేటప్పుడు చాలా దగ్గరగా గమనించేవాడ్ని. అలాగని ఈ చిత్రాన్ని శివతో పోల్చటానికి వీలు లేదు. ఇక్కడ హైదరాబాద్ రౌడీలు...విజయవాడ రౌడీయిజంలా ఆర్గనైజడ్ క్రేమ్ మెంటాలిటీ కాదు. నేను ముంబాయి మాఫియాని, రాయలసీమ ప్యాక్షనిజాన్ని వెండితెరపై చూపాక, విజయవాడ ముఠా కక్షలు గురించి తీస్తున్నాను. ఈ చిత్రం స్క్రిప్టు ఫైనల్ స్టేజస్ లలో ఉంది అన్నారు. ఇక నాగచైతన్యను ఈ చిత్రంలో ఎనౌన్స్ చేస్తే మరో శివ అవుతుందని అంతా ఎక్సపెక్ట్ చేసే అవకాశం ఉంటుందని బావిస్తున్నారు

విమల రామన్ కి ఎక్కడొ సర్జరి

రంగ ది దొంగ, గాయం 2, ఎవరైనా ఎపుడైనా ఇలా వరసగా సినిమాలు చేసుకుంటూ పోతున్న విమలా రామన్ రీసెంట్ గా ఓ సర్జరీ చేయించుకుని కొవ్వుని కరిగించుకుంది. అయితే ఆమె ఎక్కడ సర్జరీ చేయించుకుంది అనేదే అందరికీ ఆశ్చర్యమనిపించింది. ఆ ప్లేసు ఆమె నడుము. నడుము వద్ద వున్న కొవ్వును కరిగించే ప్రయత్నాలు ఎన్ని చేసినా వర్కవుట్ కాకపోవటంతో పైనల్ గా ఈ సర్జరీకి రెడి అయింది. అదీ ఎందుకంటే యంగ్ హీరోల ప్రక్కన ఆమెకు ఛాన్స్ లు రావటం లేదని, తాను పెద్దగా కనపించటమే దానికి కారణమని భావిస్తూ ఈ నిర్ణయం తీసుకుందని తెలుస్తోంది. ప్రస్తుతం ఆమె చుక్కలాంటి అమ్మాయి..చక్కనైన అబ్బాయి, చట్టం చిత్రాల్లో చేస్తోంది.

కష్టంతోనే బాలీవుడ్ లో నిలువుగలం

తెలుగు నాట గోవా భామ హల్చల్

Raviteja interview

అమాయకత్వంతో కూడిన సెక్స్ అపీల్ ఆమెలో ఉన్నాయి ఎవరు???

నాగచైతన్య హీరోగా పరిచయమైన "జోష్‌"లో నటించిన నటి రాధ కుమార్తె కార్తీక.. అంత అందగత్తె కాదన్న విమర్శలు వచ్చాయి. కానీ అదృష్టం మరోలా ఆమెకు వెన్నుతట్టింది. మలయాళంలో 'మకరమందిర'లో నటించింది. ఆమె నటనను చూసి చాలామంది మెచ్చుకున్నారు. ఇదే ఆమెకు మలుపు తిప్పింది. ఆమె ప్రొఫైల్ చూసిన డానీబొయల్‌ అనే దర్శకుడు తను తీయబోయే హాలీవుడ్‌ చిత్రంలో ఛాన్స్‌ ఇచ్చాడని తెలిసింది. ఆమె శరీరాకృతి చాలా అందంగా ఉంటుందనీ, అమాయకత్వంతో కూడి సెక్సప్పీల్‌ ఆమెలో ఉన్నాయని కితిబిచ్చాడు. దీంతో కార్తీక చాలా జోష్‌గా ఉందట.

అదే జీవితం... అంటూ నిట్టూర్చింది:Trisha

జీవితంలో ఎప్పుడో ఒకప్పుడు ఒకరికొకరు దూరం కావాల్సిందేనని త్రిష వేదాంతాన్ని బోధిస్తోంది. ఈమధ్య ఆమెకు షూటింగ్‌లు పెద్దగా లేకపోవడానికి కారణమేమిటని అడిగితే... షూటింగ్‌ లేకపోతే ఏదో వెలితిగా ఉంటుంది. షూటింగ్‌లలో కలిగే పరిచయాలు, పని వల్ల సమయం తెలీదు. దీనితోపాటు తెలియని ఉత్సాహం సొంతమవుతుంది. అందుకే ఎప్పుడూ పనిచేస్తుండాలని కోరుకుంటాను అని అంటోంది. తెలుగు, తమిళం, హిందీ సినిమాలో ఏదో ఒకటి చేస్తుండాలని కోరుకుంటున్నట్లు చెప్పుకొచ్చింది. ప్రస్తుతం ఓ కన్నడ చిత్రంలో నటిస్తున్న ఈ భామ... ప్రతి భాషకు సంబంధించిన కొత్తకొత్త విషయాలు, ఆయా మనుషుల మనస్తత్వాల్ని స్టడీ చేశానంటోంది. ఈ ప్రపంచం ఎంతో చిత్రమైందనీ, రకరకాల అనుభవాలన్నీఇక్కడే తెలుసుకుంటామనీ, భవిష్యత్‌లో ఏదో ఒక రోజు ఇండస్ట్రీకీ దూరంకావాల్సిందేననీ అంటోంది. దాంతో ఇక్కడివారి పలకరింపులకూ దూరమవుతాం. అదే జీవితం... అంటూ నిట్టూర్చింది.