తమిళ డైరెక్టర్ పి వాసుకి మన Telugu హీరోలపై మంచి టేస్టే ఉన్నట్టుంది. చంద్రముఖి సినిమా సక్సెస్ తర్వాత తన క్రేజ్ ను పెంచుకోవడానికి మన టాలీవుడ్ హీరోలను బలిపశువులను చేశాడు. తమిళ దర్శకుడు పి వాసుని నమ్మినందుకు ఇంకో తెలుగు హీరోకి కూడా కాల్చి గట్టిగా వాతేశాడు. తెలుగు హీరోలని చూడగానే వాసుకి ఏమనిపిస్తుందో ఏమో గానీ వారిచేత విచిత్ర వేషాలు వేయించి జనాన్ని బెదరగొడుతుంటాడు. నాగార్జునతో తీసిన ‘కృష్ణార్జున’ లో వాసు అందగాడైన నాగార్జునని అందగాడైన నాగ్ ని ఓ సీన్ లో ముష్టివాడిగా చూపించాడు. తాజాగా ‘నాగవల్లి’ లోvenkatesh
చేత అఘోరా వేషమని భ్రమ కలిగించే ఒక పిచ్చి గెటప్ వేయించి అతనితో పిచ్చిడైలాగులు, పిచ్చి డాన్సులు వేయించి వారి ఫ్యాన్స్ ని, ప్రేక్షకులని చచ్చేలా చేశాడు.
మహారథిలో బాలకృష్ణతో కూడా డాన్స్ మాస్టర్ క్యారెక్టర్ కి పెట్టిన విగ్గు బాలయ్య విగ్గులకే తలవంపులు తెచ్చిందనిపించేలా చేశాడు. అదే రజనీకాంత్ దగ్గరకి వచ్చేసరికి పి వాసుకి ఎక్కడిలేని స్వామి భక్తి పుట్టుకొచ్చేస్తుంది. రజనీకాంత్ ని ఆయన గురువుగా భావించడమే కాకుండా వెంకటేష్ తో కూడా రజనీ భజన చేయించాడు. ఇప్పటికైనా ఈ అరవ మేళాన్ని ఆమడదూరంలో పెట్టాల్సిన తరుణం వచ్చిందని మన హీరోలు గ్రహిస్తే బాగుంటుంది. లేకపోతే మన టాలీవుడ్ టాప్ హీరోలు ఆయనగారి చేతిలో బకరాలు అయిపోవడం కాయం అంటున్నారు ఫ్యాన్స్. మరొక గమనించ దగ్గ విషయం ఏంటంటే లక్కీగా Chiranjeevi మాత్రం పి వాసు చేతిలో ఎస్కేప్ అయ్యాడని మెగాఫ్యాన్స్ చక్కలుగుద్దుకుంటున్నారు.
