"ప్రేమ అనేది పేడ లాంటిది. గుండ్రంగా చుడితే గొబ్బెమ్మ అవుతుంది. నీళ్లలో కలిపితే కల్లాపి అవుతుంది. గోడకి కొడితే పిడక అవ్వుద్ది"... అంటున్నారు రవితేజ. గతంలో రవితేజతో షాక్ చిత్రం రూపొందించిన హరీష్ శంకర్ దర్సకత్వంలో రెడీ అయిన 'మిరపకాయ్' చిత్రంలో ఈ డైలాగు ఉంటుంది. దీని గురించి దర్సకుడు హరీష్ మాట్లాడుతూ...మా హీరోకి ప్రేమ మీద ఉన్న గొప్ప అభిప్రాయాల్లో ఇదీ ఒకటి. ఇంకా చాలా ఉన్నాయి. అవేమిటో తెలియాలంటే మా సినిమా చూడాల్సిందే అంటున్నారు. ఈ చిత్రంలో రవితేజ సరసన రిచా గంగోపాధ్యాయ, దీక్షాసేథ్‌ హీరోయిన్స్ గా చేసారు. నిర్మాణానంతర కార్యక్రమాలు తుది దశకు చేరుకున్న ఈ చిత్రాన్ని నిర్మాత రమేష్‌ పుప్పాల నిర్మించారు. ఆయన మాట్లాడుతూ..మా చిత్రంలో హీరో తీరు మిరపకాయ్ ఘాటును పోలి ఉంటుంది. అందుకే ఆ టైటిల్ పెట్టాం. ఇక మిరపకాయ్ పాత్రలో రవితేజ చక్కగా ఒదిగిపోయారు. ఆద్యంతం వినోదభరితంగా ఉంటుంది. ఇద్దరు హీరోయిన్స్ పాత్రలూ యుత్ కి బాగా పడతాయనే నమ్మకముంది అన్నారు. ఈ చిత్రానికి సంగీతం: తమన్‌, ఛాయాగ్రహణం: రామ్ ప్రసాద్‌.
