టాలీవుడ్ కత్రినా అంటూ తెగ పొగడ్తలను అందుకున్న సెక్సీ భామ దీక్షాసేథ్. వేదం చిత్రంతో తెలుగు సినిమాల్లోకి ఎంట్రీ ఇచ్చిన ఈ సుందరి మిరపకాయ్, వాంటెడ్ చిత్రంతో అందరి కళ్లల్లోనూ పడింది. ఒడ్డూ పొడుగూ అందం చందం అంతా బాగానే ఉండటంతో తెలుగు దర్శకనిర్మాతలు ఆమెపై దృష్టి సారించారు. అవకాశాలను ఇచ్చేందుకు ఉబలాటపడ్డారు. కానీ ఆ హీరోయిన్ పక్కన నటించాలంటే కొంతమంది హీరోలు భయపడుతున్నారట. కారణమేంటని ఆరా తీస్తే... టాలీవుడ్‌లో కొందరు హీరోలు దీక్ష భుజాల వరకే వస్తున్నారట. ఐదడుగుల ఎనిమిదంగుళాల ఎత్తుతో పొడవుగా ఉండే ఆమె సరసన నటిస్తే తమ ఇమేజ్ డ్యామేజ్ అవుతుందని భయపడుతున్నారట. దీంతో చేసేది లేక ఏ అనుష్కనో... తమన్నానో... ఇలియానానో బుక్ చేసుకోవాల్సి వస్తోందట. ఇంతకీ దీక్షకంటే పొట్టిగా ఉన్న హీరోలెవరయా అని మరికొంచెం నిశితంగా పరిశీలిస్తే... అల్లు అర్జున్, రాంచరణ్, జూనియర్ ఎన్టీఆర్, రామ్, నాగచైతన్య... ఇలా యువహీరోలంతా దీక్షకంటే రెండు మూడు అంగుళాలు ఎత్తులో తేడా ఉన్నట్లు తెలిసింది. పాపం... దీక్షా... అందం... అభినయం... చూపించే టాలెంట్ ఉన్నా ఆఫర్లే రావడం లేదు.
