తన నటనతో బాలీవుడ్‌ను శాసించిన ఐశ్వర్యరాయ్ హాలీవుడ్‌లోను తన సత్తా చాటుతోంది. అమెరికాకు చెందిన ఫోర్బ్స్ పత్రిక నిర్వహించిన సర్వేలో ఐశ్వర్యరాయ్ బచ్చన్ ఖాన్‌లను పక్కనబెట్టి అంతర్జాతీయ సినీ ప్రపంచంలో తన స్థానాన్ని చాటుకుంది. ఫోర్బ్స్ పత్రిక నిర్వహించిన ఈ సర్వేలో మనదేశానికి చెందిన వారు ఆరుగురు ఎంపిక కాగా అందులో ఐశ్వర్య ఒక్కరే అభినేత్రి కావడం విశేషం. ఇందులో ప్రపంచ వ్యాప్తంగా ఉన్న 1411 మంది నటులకు వినోద పరిశ్రమకు చెందిన దిగ్గజాలకు ర్యాంకులు ఇచ్చింది. ఈ జాబితాలో ఐశ్వర్య (387) స్థానంలో నిలిచింది. బాలీవుడ్ నటులు అమీర్‌ఖాన్ (540), షారుక్‌ఖాన్ (735), సల్మాన్‌ఖాన్ (753), ఇర్ఫాన్‌ఖాన్ (825), హృతిక్‌రోషన్(1059)లకు ఇందులో స్థానం దక్కింది. ఈ జాబితాలో హాలీవుడ్ మెగాస్టార్ విల్‌స్మిత్ మొదటి స్థానం దక్కించుకున్నారు. జానీడెప్, బ్రాడ్‌పిట్, లియనార్డో డికాప్రియో, ఎంజెలినా జోలీ రెండో స్థానంలో ఉన్నారు.
|
