రేపు(శుక్రవారం) విడుదల కానున్న రామ్ చరణ్ "ఆరెంజ్" చిత్రం విడుదలకు ముందే రికార్డులు క్రియోట్ చేస్తోంది. టిక్కెట్ కౌంటర్స్ ఓపెన్ చేసిన రోజున్నరలోనే ఐదు లక్షల టిక్కెట్లు అడ్వాన్స్ గా అమ్ముడయ్యాయి. ఇది ఓ రికార్డుగా చెప్తున్నారు. మగధీర ఘన విజయం ఈ మాదిరి ఓపినింగ్స్ కు దారితీసిందని విశ్లేషిస్తున్నారు. అంతేగాక రామ్ చరణ్ ఈ చిత్రంలో మోడ్రన్ యూత్ కు ఐకాన్ ట్రెండ్ ని ఫాలో అవటం కూడా ఈ క్రేజ్ రావటానికి కారణమంటున్నారు.
మరో ప్రక్క హ్యారీస్ జైరాజ్ స్వరపరిచిన పాటలు ఇప్పటికే పెద్ద హిట్టవటం కూడా సినిమాపై అంచనాలు పెంచి అమ్మకాలుపై ప్రభావం చూపాయని చెప్తున్నారు. బొమ్మరిల్లు భాస్కర్ దర్శకత్వంలో నాగబాబు నిర్మించిన ఈ చిత్రంలో జెనీలియా హీరోయిన్ గా చేస్తోంది. చిత్ర విజయంపై నాగబాబు బాగా నమ్మకంగా ఉన్నారు. మగధీర ఓ మేజిక్ అయితే, ఆరెంజ్ ఓ ఎక్స్‌పీరియెన్స్ అనాలి. ఖుషీ తరహాలో హాయిగా, రొమాంటిగ్గా సాగే సినిమా ఇది. చరణ్ కి, భాస్కర్ కి ఇది మూడో చిత్రం. కచ్చితంగా ఇద్దరూ ఆరెంజ్ తో హేట్రిక్ పూర్తి చేస్తారు అని నాగబాబు చెప్తున్నారు.
