కృష్ణ, కిక్, డాన్ శీను వంటి సూపర్ హిట్ చిత్రాల తర్వాత క్రేజీస్టార్ రవితేజ హీరోగా యువదర్శకుడు హరీశ్ శంకర్ ఎస్. కథ - మాటలు - దర్శకత్వంలో ఎల్లో ఫ్లవర్స్ బ్యానర్‌పై నవనిర్మాత రమేష్ పుప్పాల నిర్మిస్తున్న భారీ చిత్రం "మిరపకాయ్" షూటింగ్ పూర్తయింది.
ఈ సందర్భంగా నిర్మాత రమేష్ పుప్పాల మాట్లాడుతూ.. రవితేజగారితో మా సంస్థ నిర్మించిన మొట్టమొదటి చిత్రం మిరపకాయ్ షూటింగ్ పూర్తయింది. హైదరాబాద్, రాజమండ్రి, స్విట్జర్లాండ్, బ్యాంకాక్‌లలో చాలా లావిష్‌గా ఈ చిత్రాన్ని నిర్మించాం.
రవితేజ ఎక్స్‌ట్రార్డినరీ పెర్‌ఫార్మెన్స్, హరీష్ శంకర్ టేకింగ్, థమన్ మ్యూజిక్, రాంప్రసాద్ ఫోటోగ్రఫీ ఈ చిత్రానికి హైలెట్స్ అవుతాయి. మిరపకాయ్ టైటిల్ కి తగినట్లుగానే రవితేజ క్యారెక్టర్ ఉంటుంది. పాటలన్నీ సూపర్ హిట్టవుతాయి అని చెప్పారు.
ఈ చిత్రంలో రవితేజ, రిచా గంగోపాధ్యాయ, దీక్ష, ప్రకాష్ రాజ్, కోట శ్రీనివాసరావు, సునీల్, చంద్రమోహన్, ధర్మవరపు సుబ్రహ్మణ్యం, అజయ్, ఆలీ, నాగబాబు, రాజా రవీందర్, బ్రహ్మాజీ, రావు రమేష్, సుప్రీత్, సుధ, సురేఖవాణి నటిస్తున్న ఈ చిత్రానికి డైరెక్టర్ ఆఫ్ ఫోటోగ్రఫీ: సి. రాంప్రసాద్, అసోసియేట్ డైరెక్టర్స్: నాగేంద్ర వుద్దీశ, సత్యనారాయణ బండి గుప్తాపు, విజయ్ కనకమేడల, ఎగ్జిక్యూటివ్ ప్రొడ్యూసర్: రాజా రవీందర్, నిర్మాత: రమేష్ పుష్పాల, కథ - మాటలు- దర్శకత్వం: హరీశ్ శంకర్ ఎస్
