ప్రభాస్, పూరి జగన్నాథ్‌ల కలయికలో రూపొందుతున్న తాజా చిత్రం 'ఏక్‌నిరంజన్‌'. ఆదిత్యారామ్‌ మూవీస్‌ పతాకంపై ఆదిత్యారామ్‌ నిర్మిస్తున్న ఈ చిత్రం షూటింగ్‌ బ్యాంకాక్‌లో జరుగుతోంది.'గత నెలలో 12 రోజుల పాటు స్విట్లర్లాండ్‌లోని పలు అందమైన లొకేషన్లలో హీరో ప్రభాస్, హీరోయిన్‌ కంగనా రనౌత్‌లపై రెండు పాటలలో సినిమా షెడ్యుల్ పూర్తి చేసుకోగా ఈ నెల 12 నుంచి బ్యాంకాక్‌లో షూటింగ్‌ జరుపుతున్నారు. నెల రోజుల పాటు జరిగే ఈ భారీ షెడ్యూల్‌లో కీలక సన్నివేశాలను తీస్తున్నారు. బ్యాంకాక్‌ షెడ్యూల్‌ తరువాత హైదరాబాద్‌లో మిగిలిన షూటింగ్‌ను పూర్తిచేస్తారు. సెప్టెంబర్‌ నాటికి మొత్తం షూటింగ్‌ పూర్తవుతుంది. ప్రభాస్ నటన హైలైట్‌గా ఈ చిత్రం రూపుదిద్దుకుంటోంది' అని అన్నారు. దర్శకుడు పూరి జగన్నాథ్‌ మాట్లాడుతూ, పక్కా కమర్షియల్‌ ఎంటర్‌టైనర్‌గా అత్యున్నత సాంకేతిక విలువలతో దీనిని రూపొందిస్తున్నామని అన్నారు. ఈ చిత్రంలో ప్రభాస్, కంగనా రనౌత్‌, సోనూసూద్‌, ముకుల్‌దేవ్‌, మకరన్‌దేశ్‌పాండే, బ్రహ్మానందం, అలీ, సునీల్‌, వేణుమాధవ్‌, బ్రహ్మాజీ, తనికెళ్ళ భరణి, సంగీత, పోసాని కృష్ణమురళి, శ్రావణ్‌ తదితరులు తారాగణం. ఈ చిత్రానికి సంగీతం: మణిశర్మ,సమర్పణ: పూరి జగన్నాథ్‌, నిర్మాత: ఆదిత్యారామ్‌, కథ, స్క్రీన్‌ప్లే, మాటలు, దర్శకత్వం: పూరి జగన్నాథ్‌. వరస సినిమాలతో టాలీవుడ్ ప్రేక్షకులను ఉర్రుతలుగించనుంది మగధీరతో రాంచరణ్,జోష్ తో నాగర్జున తనయుడు నాగచైతన్య,మల్లనతో విక్రం,మరో కొత్త సినిమాతో ఎంటి.ఆర్.,ఆంజనేయులుగా రవితేజ,గోపిచంద్ శంఖం ఇవన్నికాక ప్రభాస్ ఏక్ నిరంజన్ తెలుగు ప్రేక్షకులను ఉర్రుతలుగించడానికి ముందుకు రాబోతున్నాయె మరి కాసుకోండి
