ఎప్పుడూ అల్లరి చేస్తూ సరదాగా గడిపేస్తుంటాడు రవితేజ. ఏదైనా తేడా వస్తే మాత్రం మంటెత్తి పోతాడు. అందుకే మిరపకాయ్ అన్నది. మిరపకాయ్ కొరికితే నోట్లోంచి సెగలు పుట్టించేస్తుంది. ఈ కుర్రాడి అసలు కథేంటో తెరపైనే చూడాలి. యాక్షన్ ప్రధానంగా సాగుతుంది. కావల్సినంత వినోదం ఉంటుంది. బ్యాంకాక్‌లో చిత్రీకరించిన క్లైమాక్స్ ఎంతో థ్రిల్లింగ్‌గా ఉంటుంది. అంటున్నారు 'మిరపకాయ్' చిత్ర నిర్మాత రమేష్ పుప్పాల.రవితేజ హీరోగా హరీష్ శంకర్ ఎస్. దర్శకత్వంలో ఎల్లో ఫ్లవర్స్ పతాకంపై రమేష్ పుష్పాల నిర్మిస్తున్న 'మిరపకాయ్' చిత్రం ఆడియో డిసెంబర్ 5న, సినిమా డిసెంబర్ 23న విడుదల కానుంది. ఇక ఈ చిత్రంలో రవితేజ సరసన లీడర్ ఫేమ్ రిచా గంగోపాధ్యాయ, వేదం ఫేమ్ దీక్ష హీరోయిన్స్ గా చేసారు. మిగతా పాత్రల్లో ప్రకాశ్‌ రాజ్, కోట శ్రీనివాసరావు, సునీల్, చంద్రమోహన్, ధర్మవరపు సుబ్రహ్మణ్యం, అజయ్, ఆలీ, నాగబాబు, రాజా రవీంద్ర, బ్రహ్మాజీ, రావు రమేష్, సుప్రీత్, సుధ, సురేఖావాణి కనిపిస్తారు. పాటలు: సీతారామశాస్త్రి, చంద్రబోస్, భాస్కరభట్ల, అనంత్‌ శ్రీరామ్, సాహితి, సంగీతం: థమన్, ఫొటోగ్రఫీ: రాంప్రసాద్, ప్రొడక్షన్ కంట్రోలర్: దేవినేని బ్రహ్మానందరావు, ఎగ్జిక్యూటివ్ ప్రొడ్యూసర్: రాజా రవీంద్ర, నిర్మాత: రమేష్ పుప్పాల, కథ, మాటలు, దర్శకత్వం: హరీష్ శంకర్ ఎస్. ఇక రీసెంట్ (నవంబర్ 24) గా రవితేజ, రమేష్ వర్మ కాంబినేషన్ లో 'వీర' చిత్రం షూటింగ్ మొదలైంది. కాజల్‌, తాప్సీ హీరోయిన్స్ గా చేస్తున్న ఈ చిత్రం స్టైలిష్ యాక్షన్ ఎంటర్టైనర్ గా చెప్తున్నారు.
