వెన్నెల, ప్రస్తానం చిత్రాల దర్శకుడు దేవకట్టా తన తదుపరి చిత్రం ఆటోనగర్ సూర్య ని రూపొందించటానికి రెడీ అవుతున్నారు. ఈ చిత్రం డైలాగ్ టీజర్ ని నెట్ లో విడుదల చేసారు. అందులో ... " చూడు బాబాయ్...కొట్టుకు చావటానికి మన మధ్య ప్యాక్షన్ గొడవలు లేవు...భూమి మీద పుట్టిన ప్రతీ మనిషికీ ఒక హక్కుంది. ఎదగడం..తెలిసిన పనిచేసుకుంటూ కెపాసిటీకి తగ్గట్లు ఎదగడం..కానీ ఆ హక్కుని కబ్జా చేసి ఎదగడమే నీ లాంటి లోఫర్లు హక్కు అనుకుంటారు. హిస్టరీలో జరిగిన ప్రతీ పోరాటానికి, విప్లవానికి, యుద్దానికి ఇదే కారణం.
అవును నేను అనాధనే కానీ అమాయకుడ్ని కాను...నా పేరు సూర్య...ఆటోనగర్ సూర్య. బాంచెత్ ...నేను ముట్టుకుంటే రిపేర్ చేయలేని వస్తువు లేదు.." అంటూ ఈ టీజర్ బేస్ వాయిస్ తో సాగుతుంది. ఇక ఈ చిత్రం గురించి చెబుతూ...ఎవరూ లేని ఓ వ్యక్తి అందరివాడుగా మారటమే అంటున్నారు. అలాగే ఈ చిత్రం ట్రేడ్ యూనియన్స్ బ్యాక్ డ్రాప్ లో జరగనుంది. ప్రస్తుతం స్క్రిప్టు వర్క్ పూర్తయి...నటీనటులు, సాంకేతిక గణం ఎంపిక జరుగుతోంది అన్నారు. బెస్టాఫ్ లక్ దేవకట్టా.
