బాలీవుడ్ సుందరి కత్రినా కైఫ్ వరుసగా మూడోసారి ప్రపంచంలోనే శృంగార మహిళగా గుర్తింపు పొంది హ్యాట్రిక్ సాధించారు. లండన్‌ కు చెందిన టాప్ పత్రిక ‘ఈస్టర్న్ ఐ’ నిర్వహించిన ఓటింగ్‌లో ఆమెకు ప్రథమ స్థానం దక్కింది. తోటి నాయికల నుంచి గట్టిపోటీ ఎదురైనా.. అభిమానులు మాత్రం కత్రినాయే కట్టి అని తేల్చేశారు. “మరోసారి ప్రపంచస్థాయిలో శృంగార మహిళగా ప్రథమస్థానం పొందడం చాలా ఆనందంగా ఉంది. నాకు ఓటేసిన ప్రతి ఒక్కరికీ ధన్యవాదాలు” అంటూ కత్రినా ఈ సందర్భంగా సంతోషం వ్యక్తం చేశారు. ఈ ఏడాది కత్రినాతో పోటీ పడ్డ ప్రియాంకా చోప్రా రెండో స్థానంతో సరిపెట్టుకుంది. బిపాసా బసు మూడో స్థానంలోనూ, స్లమ్‌డాగ్ మిలియనీర్ తార ఫ్రీదాపింటో నాలుగో స్థానంలోనూ నిలిచారు
