అల్లరి అల్లుడు'లో "తొడతొక్కుడు తోటలోన..." అనే పాట ఉంది. అది ఏమిటండి... ఆ పాట నాకు అర్థం కాలేదు. ఇదేదో నెగెటివ్‌ సెన్స్‌గా ఉంటుందని.. ఇదే కామాక్షి మూవీస్‌ నిర్మాత డి. శివరామ్‌ప్రసాద్‌ రెడ్డిని అడిగాను. మీకు తెలియదు బాబూ.. ఇదిమాస్‌కు బాగా నచ్చుతుంది. క్లాస్‌ అర్థంచేసుకుని మనసులో హ్యాపీగా ఎంజాయ్‌చేస్తారని.. సమాధానం చెప్పారంటూ.... అక్కినేని నాగార్జున అన్నారు.
నాకు ఇప్పటికీ ఆ పదం గురించి అర్థం సరిగా తెలీదని పేర్కొన్నారు నాగ్. ఆయన నటించిన 'రగడ' శుక్రవారం విడుదలవుతోంది. ఈసందర్భంగా గురువారం ఆయన మాట్లాడారు.
మాస్‌కు, క్లాస్‌కు నచ్చేట్లుగా అటువంటి పాటను రగడలో రామజోగయ్యశాస్త్రి రాశాడు అంటూ.. మాస్‌ను, క్లాస్‌ను ఆకట్టుకునే పాటను వినిపిస్తూ... 'అయ్యబాబోయ్‌ బుల్లెట్‌ బేబీ సెగ..' అంటూ పాడారు. ఈ పాట అందర్నీ అలరిస్తుంది. మాస్‌ బాగా ఎంజాయ్‌ చేస్తారు. తొడతొక్కుడు పాట మాదిరిగా... క్లాస్‌ క్లాస్‌గా ఎంజాయ్‌ చేస్తారంటూ.. వివరణ ఇచ్చారు.
