యాక్షన్‌ చిత్రాలు గోపీచంద్‌కు ఎంతోపేరు తెచ్చిపెట్టాయి. ఆయన తాజాగా నటిస్తున్న యాక్షన్‌ ఎంటర్టైనర్ 'వాంటెడ్'. దీక్షాసేథ్‌ నాయిక. రచయిత బి.వి.ఎస్‌.రవిని దర్శకుడిగా పరిచయం చేస్తూ, భవ్య క్రియేషన్స్‌ నిర్మిస్తున్న ఈ చిత్రం ఆడియో ఈ నెలాఖరులోను, జనవరిలో సినిమా విడుదల కానుంది. ఈ విషయాన్ని నిర్మాత వి.ఆనందప్రసాద్‌ తెలియజేస్తూ, 'శౌర్యం తర్వాత గోపీచంద్‌తో మా సంస్థ తీస్తున్న చిత్రమిది. అతని నుంచి ఎలాంటి యాక్షన్‌ను ప్రేక్షకులు ఆశిస్తారో ఆవిధంగా ఉంటూ కొత్తగా, స్టయిలిష్‌గా ఉంటుంది. ఇందులో హీరోకి హీరోయిన్‌ వాంటెడ్. హీరోయిన్‌కి విలన్‌ వాంటెడ్. విలన్‌కి హీరో వాంటెడ్. ఇదే ఈ చిత్ర ప్రధాన కథాంశం' అని అన్నారు.
దర్శకుడు బి.వి.ఎస్‌.రవి మాట్లాడుతూ, 'లవ్‌, ఫ్యామిలీ, యాక్షన్‌ ఎంటర్టైనర్ ఇది. ఈ తరహా చిత్రాల్లో నటించడం గోపీచంద్‌కు కొట్టినపిండి. యువతరం ఆకాంక్షలను ప్రతిబింబిస్తూ ఆయన పాత్ర చిత్రణను కొత్తగా చూపించాం. కథానాయకుడి తల్లిదండ్రులుగా జయసుధ, చంద్రమోహన్‌ నటించారు. రసూల్‌ ఎల్లోర్‌ ఛాయాగ్రహణం ప్రేక్షకులను కనువిందు చేస్తుంది' అని చెప్పారు.
http://cinimavinodamenglish.blogspot.com
ఇంకా ఈ చిత్రంలో ప్రకాష్‌రాజ్‌, నాజర్‌, బెనర్జీ, బ్రహ్మానందం, అలీ, రఘుబాబు, ఆహుతిప్రసాద్‌, షఫీ, సుబ్బరాజు, అంజాద్‌ఖాన్‌, దువ్వాసి, రావి కొండలరావు, రాధాకుమారి, ప్రభాస్‌ శ్రీను,
పృథ్వీ తదితరులు తారాగణం.
ఈ చిత్రానికి సంగీతం: చక్రి, సాహిత్యం: భాస్కరభట్ల, ఎడిటింగ్‌: శంకర్‌, ఆర్ట్‌: వివేక్‌, ఫైట్స్‌: కనల్‌ కణ్ణన్‌, విజయ్‌, రామ్‌, లక్ష్మణ్‌, గణేష్‌, డాన్స్‌: శంకర్‌, రాజు సుందరం, శోభి, ఎగ్జిక్యూటివ్‌ ప్రొడ్యూసర్‌: అన్నేరవి, నిర్మాత: వి.ఆనందప్రసాద్‌, కథ, స్క్రీన్‌ప్లే, దర్శకత్వం: బి.వి.ఎస్‌.రవి
