గతంలో నాకు పెళ్ళైందని రాసారు..ఇప్పుడు ఒక వ్యాపారవేత్తతో బిడ్డకు జన్మనిచ్చానని మీడియాలో మాట్లాడుతున్నారు.ఈ రూమర్స్ ఎవరు క్రియోట్ చేస్తున్నారో,ఏం ఆసించి క్రియోట్ చేస్తున్నారో నాకు అస్సలు అర్దంకావటంలేదు అంటూ త్రిష తనపై వస్తున్న రూమర్స్ పై మండిపడుతూ ఇలా స్పందించింది. ఈ విషయమై మాట్లాడుతూ...ఇంతకు ముందు ఒక రాజకీయ కుటుంబానికి చెందిన యువకుడిని పెళ్లి చేసుకున్నట్లు ప్రచారం చేశారని తెలిపారు.మళ్లీ ఇప్పు డు ఒక వ్యాపారవేత్తతో బిడ్డకు జన్మనిచ్చానని రూమర్స్ ప్రచారం చేస్తున్నారని ఆగ్రహం వ్యక్తం చేశారు. ఇప్పటికే తనకు పలువురితో పెళ్లి చేశారని అన్నారు. ఇకపై ఇంకెంత మందితో పెళ్లి చేయనున్నారో అంటూ ఆవేదన వ్యక్తం చేశారు. రహస్యంగా వివాహం చేసుకునే అవసరం తనకు లేదని అన్నారు.ఈ రూమర్స్ వల్ల తన అవకాశాలు చేజారిపోతాయని,అందుకే తను ఇలా మీడియా ముఖంగా తన వ్యధని చెప్పుకోవాల్సి వచ్చిందని అంది. ఇక ప్రస్తుతం త్రిష... తమిళంలో అజిత్ సరసన మంగాత్తా, తెలుగులో తీన్‌మార్‌లో పవన్ కల్యాణ్‌తో నటిస్తున్నారు.
