మలయాళంలో విజయం సాధించిన 'బాడీగార్డ్' చిత్రం తెలుగు రీమేక్ చేయటం కోసం చాలా రోజులుగా తెలుగు పరిశ్రమలో చర్చలు జరుగుతున్న సంగతి తెలిసిందే. వెంకటేష్ అనుకున్న ఈ పాత్ర ఇప్పుడు సునీల్ ని వరించిందని తెలుస్తోంది. తమిళంలో మొన్న సంక్రాంతికి ఈ చిత్రం రీమేక్ కావలన్ పేరుతో విడుదలై ప్లాప్ టాక్ తెచ్చుకోవటంతో వెంకటేష్ సోదరుడు సురేష్ బాబు ఈ రీమేక్ కు తన సోదరుడుని చేయటానికి ఒప్పుకోలేదని చెప్తున్నారు. దాంతో ఈ రీమేక్ రైట్స్ ని తీసుకున్న నిర్మాత బెల్లంకొండ సురేష్ డైలమోలో పడ్డారు. అందులోనూ బెల్లంకొండ సురేష్ నిర్మాతగా నాగవల్లి చిత్రం రీమేక్ కూడా ఫ్లాప్ కావటం కూడా ఈ రీమేక్ పై నమ్మకాలు తగ్గేలా చేసాయి. ఈ నేఫద్యంలో సునీల్ కు ఫ్యాన్సీ ఆఫర్ ఇచ్చి ఈ ప్రాజెక్టులోకి తేవాలని నిర్ణయించుకుని ఒప్పించినట్లు తెలుస్తోంది. ఇక ఈ చిత్రానికి దర్శకత్వం ఎవరు చేస్తారనేది ఇంకా ఫైనల్ కాలేదు. ఇప్పుడా చిత్రాన్ని సల్మాన్ ఖాన్ హీరోగా హిందీలో రీమేక్ చేస్తున్నారు.ఇక మళయాళంలో ఈ చిత్రాన్ని సిద్దికి దర్శకత్వంలో నయనతార,దిలీప్ కాంబినేష్ లో చేసారు.
