ప్రముఖ నిర్మాత, ప్రజారాజ్యం పార్టీ నేత అల్లు అరవింద్‌పై బ్యాన్ విధించే సూచనలు కనపిస్తున్నాయి. ఇటీవలే సినిమా యాడ్స్ ప్రసారం విషయంలో ప్రొడ్యూసర్ కౌన్సిల్ కొన్ని టీవీ ఛానెళ్లపై బ్యాన్ విధించింది. అందులో మాటీవీ సైతం ఉంది. అయితే అల్లు అరవింద్ నిర్మించిన మగధీర చిత్రం ఆడియో ఫంక్షన్‌ని మా టీవీ వారు లైవ్ టెలీకాస్ట్ చేసారు. దీనిపై ప్రొడ్యూసర్ కౌన్సిల్ అల్లుపై గుర్రుగా ఉంది. తమ అనుమతి లేకుండా బ్యాన్ విధించిన టీవీ ఛానెల్‌కు టెలీకాస్ట్ హక్కులు ఇచ్చినందుకు కౌన్సిల్ నోటీసు ఇచ్చిందని సమాచారం. అయితే అల్లు అరవింద్ దానిని లెక్క చేయలేదని తెలుస్తోంది. ప్రస్తుతానికి అల్లుపై బ్యాన్ విషయం అధికారికంగా ప్రకటించకపోయినా ఆయనకు ఏవిధమైన సహకారం ఎవ్వకూడదని నిర్ణయం తీసుకున్నట్లు వార్తలు వినబడుతున్నాయి. ఇక మరో ప్రక్క ఈ చిత్ర దర్శకుడు రాజమౌళి కూడా నిర్మాతల మండలి నుంచి నోటీసు అందుకున్నారు. నిర్మాత అడ్డాల చంటి ఇచ్చిన కంప్లైంట్‌తో నిర్మాతల మండలి రాజమౌళిపై నిషేధం విధించిన సంగతి తెలిసిందే
