ఈ ఏడాది "అదుర్స్", "బృందావనం" వంటి సూపర్ హిట్ చిత్రాలతో సంచలనం సృష్టించిన యంగ్ టైగర్ ఎన్టీఆర్ కథానాయకుడిగా కిక్ ఫేమ్ సురేందర్ రెడ్డి దర్శకత్వంలో డార్లింగ్ వంటి సూపర్ హిట్ చిత్రం తర్వాత శ్రీవెంకటేశ్వర సినీచిత్ర ఇండియా ప్రైవేట్ లిమిటెడ్ బ్యానర్‌పై ఛత్రపతి ప్రసాద్ నిర్మిస్తున్న ప్రొడక్షన్ నెం.2, షూటింగ్ నవంబర్ 17 ఉదయం 9.30 నిమిషాలకు సంస్థ కార్యాలయంలో జరిగింది. యంగ్ టైగర్ ఎన్టీఆర్ క్లాప్ కొట్టగా, సెన్సేషనల్ డైరెక్టర్ వి.వి.వినాయక్ స్విచ్ ఆన్ చేయగా, దేవుని పటాలపై ముహూర్తం షాట్ చిత్రీకరించారు. ఈ ఫస్ట్ షాట్‌కి సూపర్ సక్సెస్‌ఫుల్ డైరెక్టర్ ఎస్.ఎస్.రాజమౌళి దర్శకత్వం వహించారు.
నిర్మాత బి.వి.ఎస్.ఎన్ ప్రసాద్ మాట్లాడుతూ... ఎన్టీఆర్‌తో ఓ భారీ చిత్రం తీయాలన్న కోరిక ఈ చిత్రంతో నెరవేరుతోంది. ఎన్టీఆర్‌కు పర్‌ఫెక్ట్‌గా సూటయ్యే అద్భుతమైన సబ్జెక్ట్ రెడీ అయింది. డిసెంబరులో షూటింగ్ ప్రారంభించి జనవరి 8 నుండి ఏకధాటిగా షెడ్యూల్ చేస్తాం. మా బ్యానర్‌కి ఇది ప్రెస్టీజియస్ మూవీ అవుతుంది అన్నారు. దర్శకులు సురేందర్ రెడ్డి మాట్లాడుతూ... నవంబర్ 16కి తారక్ హీరో అయి పదేళ్లు పూర్తయింది. నవంబర్ 17న ఈ చిత్రంతో మరో దశాబ్దానికి నటుడిగా ఎన్టీఆర్ శ్రీకారం చుట్టారు. ఇంతకుముందు ఎన్టీఆర్ చేసిన చిత్రాలన్నీ ఒక ఎత్తు ఈ చిత్రం మరో ఎత్తు. ఇందులో కొత్త ఎన్టీఆర్‌ను చూస్తారు.
Heroine:తమన్నా
characters:ఎన్టీఆర్, తమన్నా, కిక్ శ్యామ్, ప్రకాష్ రాజ్, ఆశిష్ విద్యార్థి తదితరులు ముఖ్యపాత్రలు
Story: వక్కంతం వంశీ,
Producer: బి.వి.ఎస్.ఎన్. ప్రసాద్,
screen-ply Direction: సురేందర్ రెడ్డి.
