శ్రీరాముని పాత్రలో బాలకృష్ణ నటిస్తున్న పౌరాణిక చిత్రం 'శ్రీరామరాజ్యం'.
బాపు దర్శకుడు.
సీతగా నయనతార,
అక్కినేని నాగేశ్వరరావు వాల్మీకి .
సాయిబాబా మూవీస్‌ పతాకం
యలమంచిలి సాయిబాబు నిర్మాణం .
కాగా ఈ చిత్రం కోసం భారీసెట్స్‌ను నిర్మిస్తున్నారు. ఈ నెల 2 నుంచి 8 వరకు కొంత షూటింగ్‌ చేశామని, సమ్మె కారణంగా తాత్కాలికంగా షూటంగ్‌ను ఆపామని నిర్మాత సాయిబాబు తెలిపారు. సమ్మె పూర్తికాగానే మళ్లీ నిరవధికంగా షూటింగ్‌ చేయనున్నట్లు ఆయన చెప్పారు. ఇప్పటివరకు కొంత టాకీ, సగం పాటను చిత్రీకరించామని ఆయన వివరించారు. ఇందులో ప్రధాన తారాగణంతో పాటు 200 మంది జూనియర్‌ ఆర్టిస్టులు పాల్గొన్నారని ఆయన చెప్పారు. వాల్మీకి ఆశ్రమానికి సంబంధించిన సెట్‌ను భారీగా వేయించామని, ఇంకా పలు భారీ సెట్స్‌ను ఈ చిత్రం కోసం నిర్మించనున్నామని ఆయన తెలిపారు. ఇప్పటికే ఎనిమిది పాటల రికార్డింగ్‌ పూర్తయిందని, ఇళయరాజా సంగీతాన్ని సమకూర్చిన పాటలు ప్రతిఒక్కరినీ అలరింపజేస్తాయని ఆయన పేర్కొన్నారు. ఇందులో రాముడి పాత్రను అత్యద్భుతంగా పోషిస్తున్న బాలకృష్ణ లోగడ కృష్ణుడిగా, అర్జునుడిగా నటించి, మెప్పించిన విషయం తెలియందికాదని అన్నారు. ఎంతో ప్రతిష్టాత్మకంగా నిర్మిస్తున్న ఈ చిత్రం యూనిట్‌తో పాటు తమ సంస్థకు పేరు తెచ్చిపెడుతుందని అన్నారు.
కాని ఈ పాత్రలో సుమన్ అలరించగలడని సినీ వర్గాల అభిప్రాయం ..........
