నటుడిగా ఇంతకు ముందెన్నడూ చేయని సబ్జెక్ట్ ‘ఖలేజా’..నటుడిగా పూర్తి సంతృప్తినిచ్చిన చిత్రం ‘ఖలేజా’ అంటూ ‘ఖలేజా’ సినిమా గురించి ఇంకా ఇంకా ఓ రేంజ్ లో చెబుతున్నాడు హీరో మహేష్ బాబు. బాక్సాఫీస్ వద్ద ‘ఖలేజా’ బెడిసి కొట్టిందన్న విషయాన్ని ఎట్టకేలకు అంగీకరించిన మహేష్, ఫెయిల్యూర్ కి సవాలక్ష కారణాలుంటాయనీ, ‘ఖలేజా’ విషయంలో చేసిన అటెంప్ట్ మాత్రం చాలా గొప్పదని చెప్పుకొచ్చాడు. వెరైటీ కథల్ని తాను ఇష్టపడ్తుంటాననీ, రొటీన్ గా వచ్చే పాత్రలు తనకు అస్సలు ఇష్టం ఉండదనీ, ‘దూకుడు’ సినిమాలోనూ కొత్త మహేష్ ని చూస్తారని మహేష్ అంటున్నాడు.
అభిమానుల ప్రోత్సాహంతోనే కొత్త తరహా సినిమాలు చేయగలుగుతున్నానన్న మహేష్, ‘ఖలేజా’ సినిమా విషయంలో అభిమానులెవరూ హర్ట్ కాలేదన్నాడు. త్రివిక్రమ్ వండర్ ఫుల్ టెక్నీషియన్ అనీ, అతనితో మరో సినిమా ఖచ్చితంగా వుంటుందని మహేష్ వెల్లడించాడు. కమర్షియల్ ఫార్మాట్ నుంచి బయటకొస్తేనే వెరైటీ సినిమాలొస్తాయని, అలాంటి వెరైటీ సినిమాలకోసం తానెప్పుడూ ముందుంటానని మహేష్ స్పష్టం చేశాడు.
