అనుష్క బాలీవుడ్‌లో నటించే అవకాశం లభించినప్పటికీ ఎందుకనో వెళ్లాలనిపించడం లేదని చెబుతోంది. తమిళంలో విజయం సాధించిన 'సింగం' చిత్రం హిందీ రీమేక్‌లో ఛాన్స్‌ వచ్చినా వద్దని తిరస్కరించింది. తెలుగులోనే అగ్రహీరో(లు)తో నటించడం చాలా తృప్తిగా ఉందనీ, అందువల్ల మరో పరిశ్రమలో కాలుపెట్టేందుకు ఇష్టం రావడం లేదని అంటోంది. ఇదిలావుంటే ఇప్పటికే నాగార్జున చిత్రాలన్నింటిలో ఆమె డేట్స్‌ ఫుల్‌ అయ్యాయి. నాగార్జున నటిస్తుంటే నటనలా అనిపించదు. బిహేవ్‌ చేస్తున్నట్లనిపిస్తుందని అంటోంది. ఇటీవలే హైదరాబాద్‌లో ఓ వస్త్ర దుకాణానికి హాజరైంది. ఈ సందర్భంగా ఆమె మాట్లాడుతూ, దక్షిణాదిలో చాలా కంఫర్టబుల్‌గా ఉందని, వేదం, అరుంధతి ఎంతో పేరు తెచ్చాయనీ, అంతపేరు వచ్చిన ఇండస్ట్రీని వదలబుద్దికావడం లేదని అంటోంది. నిజమేమరీ..
