కత్రినా కైఫ్, ప్రియాంకా చోప్రా ఇళ్లు, ఆఫీసులపై ఆదాయపు పన్నుశాఖ సోమవారం దాడులు మొదలుపెట్టింది. అయితే ఈ దాడులకు కారణమేమిటన్నది అధికారికంగా తెలియకపోయినప్పటికీ గత రెండేళ్లుగా ఈ ముద్దుగుమ్మలిద్దరూ ఐటీ రిటర్న్స్ దాఖలు చేయలేదని తెలిసింది. ఐటీ అధికారుల దాడులకే ఇదే కారణమా...? లేక ఇంకేమైనా ఉన్నదా అన్నది తెలియాల్సి ఉంది. కాగా కత్రినా, ప్రియాంకాలిద్దరూ అంతర్జాతీయ స్థాయిలో ఆఫర్లను దక్కించుకోవడమే కాక పెద్దమొత్తంలో పారితోషికాలను తీసుకుంటున్నట్లు భోగట్టా. ఈ నేపథ్యంలో ఆ ఆదాయలకు సంబంధించిన వివరాలను వారు తెలియజేయకపోవడమే ఈ దాడులకు కారణమై ఉండవచ్చని అనుకుంటున్నారు.
