బక్కపలచని భామ త్రిషకు కోలీవుడ్ అంటే రోత పుట్టినట్లు ఉంది. ఈమధ్య ఎప్పుడు చూసినా హైదరాబాద్‌కు తరచూ చెక్కెర్లు కొడుతూ ఇక్కడే కాలక్షేపం చేస్తోందట. పనిలోపనిగా హైదరాబాద్‌లో ఓ తెలుగు వ్యాపారస్తునితో చాలా క్లోజ్‌‌గా ఉంటోందట. పార్టీలు, ఫంక్షన్లకంటూ తెగ తిరుగుతోందట. అటువైపు... ఇటువైపు పెద్దలు ఒప్పుకుంటే ఇద్దరూ పెళ్లి చేసుకునేందుకు ఉవ్విళ్లూరుతున్నారట. గ్రీన్ సిగ్నల్ కోసం నానా తంటాలు పడుతున్నట్లు టాలీవుడ్ సినీజనం చెవులు కొరుక్కుంటున్నారు. ఇది నిజమా... త్రిషా..? అని ఆమెను కదిలిస్తే... ఎవరా మాటంది..? ఈ ఇండస్ట్రీలో గాలి కబుర్లు పుట్టించండం మామూలేగా అని ఎగిరెగిరి పడిందట. అయినా తన పెళ్లి విషయాన్ని అంతగా దాచిపెట్టుకోవాల్సిన పనిలేదనీ, ఏదైనా ఓపెన్‌‌గా ఉంటానని కుండబద్ధలు కొట్టినట్లు చెప్పిందట. అంతగా చెపుతుంది కదా... ప్రస్తుతానికి నమ్మేద్దాం
