టాలీవుడ్ హీరోలెవ్వరికీ లేని ఫాలోయింగ్ అల్లు అర్జున్ కి మలయాళంలో కూడా వుంది. ఎందుకో అతని చిత్రాలు అక్కడ కూడా బాగా ఆడతాయి. అందుకే, అల్లు అర్జున్ ని సరదాగా 'మల్లూ' అర్జున్ అని కూడా పిలుస్తుంటారు. దీనిని దృష్టిలో పెట్టుకునే ఇప్పుడు తన రాబోయే చిత్రం 'బద్రీనాథ్ ని కేరళలో కూడా ఒకేసారి రిలీజ్ చేయడానికి సన్నాహాలు చేస్తున్నారట. 'కేరళలో కూడా నా సినిమా మార్కెట్ ని విస్తరించే ఆలోచన చేస్తున్నాం’ అంటున్నాడు అర్జున్. అన్నట్టు, 'బద్రీనాథ్' సినిమాని 'మగధీర' సినిమాతో కంపేర్ చేస్తే మాత్రం తను ఒప్పుకోవడం లేదు. ‘అది అదే... ఇది ఇదే! 'మగదీర'తో ఎంత మాత్రం పోల్చుకోకూడదు. ఎందుకంటే, 'మగధీర' లాంటి సినిమాలు పదేళ్లకోసారి మాత్రమే వస్తాయి’ అంటున్నాడు బన్నీ. ఈ 'బద్రీనాథ్' సినిమాలో తను ఇండియన్ సుమొరాయ్ గా నటిస్తున్నాడు.
