ఐదేళ్ల క్రితం టాలీవుడ్ కి వచ్చినప్పుడు ఎలా వుందో ఇలియానా ఇప్పటికీ అలాగే వుంది. ఆ బాడీలో ఏ మాత్రం తేడాలేదు. ఆ సన్నజాజి నడుము... ఆ మెరుపుతీగ అందం అలాగే వున్నాయి. అందుకే ఈ గోవా బ్యూటీని చూసిన వాళ్లకి ఆశ్చర్యం కలుగుతుంది. ఆ బాడీని ఎలా మెయిన్ టైన్ చేస్తోందా? అన్నదే అందరికీ అంతుపట్టదు. అయితే, ఇదంతా జీన్స్ ప్రభావమే అని ఇలియానా తేలిగ్గా చెప్పేస్తుంది. 'మా ఇంట్లో అందరూ నాలాగే స్లిమ్ గా వుంటారు. థాంక్స్ టు మై జీన్స్. నేనెక్కువ కష్టపడక్కర్లేదు. డైటింగ్ కూడా అంతగా చేయను. రోజు విడిచి రోజు జిమ్ లో మాత్రం వర్కౌట్ చేస్తానంతే’అంటోంది. త్వరలో విడుదల కానున్న 'శక్తి' సినిమాలో అయితే ఇలియానా దేవకన్యలా సౌందర్యరాశిలా కనిపిస్తుందని అంటున్నారు. ‘ఆ సినిమాలో నా డ్రెస్ డిజైన్ అంతా అమ్మే చేసింది. నాకు ఎటువంటివి సూట్ అవుతాయో తనకి బాగా తెలుసు. 'శక్తి'లో సూపర్ డ్రెస్ లు డిజైన్ చేసింది. అందులో నేను చాలా అందంగా ఉన్నానంటే ఆ క్రెడిట్ అమ్మదే' అని చెబుతోందీ గోవా చిన్నది.
