చేసింది ఒకే ఒక్క సినిమా. హిట్టు కొట్టిందిలెండి. అయినాగానీ, ఒక్క సినిమా హిట్టుతోనే బెట్టు చేస్తే ఎలా? అదీ స్టార్ హీరో విషయంలో. జాతీయ స్థాయిలో నటుడిగా తిరుగులేని ఇమేజ్ వున్న కమల్ హాసన్ కి ఝలక్కిచ్చిన ఆ సెక్సీ ఎవరో తెలుసా? బాలీవుడ్ బ్యూటీ సోనాక్షి సిన్హా, ‘దబాంగ్’ సినిమాతో లైమ్ టైట్ కొచ్చిన సోనాక్షి, తమిళ, తెలుగు, హిందీ భాషల్లో తెరకెక్కబోయే ఓ సినిమాలో కమల్ సరసన హీరోయిన్ గా నటిస్తోంది. ముందు కమల్ తో సినిమా అనగానే ఎగిరి గంతేసినా, తీరా సినిమా షూటింగ్ లో దర్శక నిర్మాతల్ని ముప్పుతిప్పలు పెట్టేస్తోంది. మూడు ముద్దు సీన్లు..ఆరు రొమాంటిక్ సీన్లు కమల్ సినిమాలో మామూలే. అందులో భాగంగానే ఆ టైపు సన్నివేశాలు తెరకెక్కించాల్సి వచ్చేసరికి, అలాంటి సీన్లలో నటించనని సోనాక్షి మొండికేసి కూర్చుంది. అదేంటీ, అన్నిటికీ ఒప్పుకున్నావు కదా..ఇప్పుడేంటి ఇలా చేస్తున్నావంటూ నిర్మాతలు అడిగితే నేను చెప్పినట్టు చెయ్యండంటూ తెగేసి చెప్పేసరికి, వేరే హీరోయిన్ వేటలో పడ్డారట ఆ చిత్ర దర్శక నిర్మాతలు. ఇక, సోనాక్షి వ్యవహారం బయటకు పొక్కి, ఆమెను తమిళనాట నానా తిట్లూ తిడ్తున్నారు కమల్ అభిమానులు. కమల్ ని నిరాకరించే రేంజా నీది..అంటూ సోనాక్షిపై విమర్శలు వెల్లువెత్తుతున్నాయి...
