మామూలుగా హీరోలు తమ కొడుకుల్ని హీరోల్ని చేయడానికి నిర్మాతలుగా మారుతుంటారు. అయితే, ఇప్పుడు తన చెల్లెని హీరోయిన్ గా పరిచయం చేయడానికి ఓ హీరోయిన్ నిర్మాత అవతారం ఎత్తుతోంది. ప్రస్తుతం బాలీవుడ్ లో టాప్ పొజిషన్ లో వున్న కత్రినా కైఫ్ తన చెల్లి ఇసాబెల్ కైఫ్ ని హీరోయిన్ గా ఇంట్రడ్యుస్ చేయడానికి రెడీ అవుతోంది. అందుకోసం తనే సొంతంగా ఓ చిత్రాన్ని ప్రోడ్యుస్ చేయడానికి ప్లాన్ చేసుకుంటోంది. కత్రినా ఒక ఫ్రెంచి మూవీ ‘ప్రైవేట్ బెంజమిన్’ని రీమేక్ చేయడానికి ప్రేక్షకుల్ని, బిజినెస్ వర్గాలని ఎట్రాక్ట్ చేయడం కోసం ఇందులో తను కూడా నటిస్తుందని తెలుస్తోంది. ప్రస్తుతం ఇసా అమెరికాలో యాక్టింగ్ కోర్స్ పూర్తి చేసి, ముంబై వచ్చింది. సినిమా స్టార్ట్ అయ్యేలోగా ప్రతి రోజూ బాలీవుడ్ సినిమాలు చూస్తూ అవగాహన పెంచుకోమనీ, అలాగే భాష మీద పట్టుకోసం రోజూ తనతో హిందీలోనే మాట్లాడమనీ కేట్ చెల్లికి ఆదేశాలు ఇచ్చిందట.
