హ్యారీపోట్టర్‌-7 ఈనెల 19న విడుదల కాబోతోంది. మల్టీ డైమన్షన్‌ ఎంటర్‌టైన్‌మెంట్‌ ప్రైవేట్‌ లిమిటెడ్‌ అధినేత వాసు ఈ విషయాన్ని తెలియజేశారు. సోమవారం మీడియాతో మాట్లాడుతూ...'హ్యారీపోట్టర్‌ సిరీస్‌ అన్ని వర్గాలవారినీ ఆకట్టుకున్నాయి. వార్నర్‌బ్రదర్స్‌ రూపొందించిన ఈ చిత్రాన్ని తెలుగు, హిందీ, ఇంగ్లీషు భాషల్లో రత్న సెల్యులాయిడ్‌ సమర్పణలో విడుదల చేస్తున్నాం. రెండోభాగం జులై 2011లో విడుదల కానుంది. ఈ చిత్రానికి ఎంత క్రేజ్‌ ఉందో అందరికీ తెలిసిందే. ప్రపంచవ్యాప్తంగా 9,850 ప్రింట్లతో విడుదల కాబోతుంది' అని చెప్పారు.'అత్యున్నత సాంకేతిక విలువలతో రూపొందింది. ఈ సిరీస్‌లో హారీ పోట్టర్‌ తన మిత్రులు రాన్‌వేస్లీ, హీరోయిన్‌ గ్రాంగర్‌తో కలిసి మంత్రనగరిని సర్వనాశం చేయాలని ప్రయత్నిస్తారు. ఆ ప్రయత్నంలో ఎదురైన అవాంతరాలు ఇందులో ఉంటాయి. చివరి భాగంలో విలన్‌పై హ్యారీపోట్టర్‌ సాధించే విజయం ప్రధానాంశం. అది వచ్చే ఏడాదిలో విడుదల కాబోతుంది' అని రత్న సెల్యులాయిడ్‌ శాస్త్రి, సాగర్‌ తెలిపారు.
