ఇద్దరు భామలు ఒకే మాటపై నిలబడి ఆటలాడుకోవడం సినిమాల్లో మామూలే. సినీ ఇండస్ట్రీలో హీరోయిన్ల పలుకరింపులు విచిత్రంగా ఉంటాయి. ఒకరికొకరు ఆప్యాయంగా కౌగిలించుకోవడం, ముద్దుపెట్టుకోవడం చూస్తుంటే ఇది ఫారిన్ కల్చరేమో అనిపిస్తుంది. గతంలో రోజా, ప్రియమణి తల్లికూతుళ్లుగా నటించారు. షూటింగ్‌లో రోజా ప్రియను కలిసినప్పుడల్లా డార్లింగ్ అంటూ ముద్దు పెట్టుకునేది.
ఇదంతా ఎందుకంటే..? తాజాగా ప్రియమణి, విమలారామన్‌లు కలిసి సుమంత్ సరసన నటిస్తున్నారు. సుమంత్ చాలాకాలం తర్వాత చేస్తున్న చిత్రమిది. ఆయనేమో షూటింగ్ గ్యాప్‌లో ఏవో పుస్తకాలు, ఫోన్లతో చాటింగ్ చేసుకుంటూ కనిపిస్తాడు. అయితే ఆ చిత్ర దర్శకుడు విజయ్ ప్రూనే టేకింగ్‌లో కాస్త వీక్ అని తేలింది. దీంతో ప్రియమణి, విమలారామన్‌లు ఆయన్ను ఆటపట్టిస్తుండేవారట.
ఇద్దరు భామలు షూటింగ్ గ్యాప్‌లో అసభ్యకరమైన పదాలతో మాట్లాడుకునేవారట. వీరి వ్యవహారం నచ్చని దర్శకుడు వారిని మందలిస్తే.. తమల్ని శాసిస్తున్నాడని ఆయనతో పేచి పడినట్లు తెలిసింది. అయితే క్లైమాక్స్‌లో తనకంటే విమలారామన్‌కు ఎక్కువ ప్రాధాన్యత ఇచ్చారంటూ ప్రియమణి ఆ దర్శకుడిని మార్చేసే పనిలో పడింది.
సరైన టైమ్‌కు షూటింగ్‌కు రాకపోవడం, వచ్చినా ఎదురు ప్రశ్నలేయడంతో దర్శకుడు విసిగిపోయాడు. కాగా.. మరుసటిరోజు నుంచి నిర్మాత ఏమనుకున్నాడో ఏమో దర్శకుడినే మార్చేశాడు. విశ్వసనీయ సమాచారం ప్రకారం వి.ఎన్. ఆదిత్య ఈ చిత్రానికి దర్శకత్వం వహిస్తున్నారు. సగం వదిలిన పనిని ఈయన పూర్తి చేస్తున్నాడు మరి. అయితే తను ఈ భామల విషయంలో జాగ్రత్తగా ఉండాలని తన దర్శకుల బృందానికి కూడా చెప్పాడట..!.
