డిసెంబర్‌ మాసం నాగార్జునకు కలిసివచ్చిన నెల. డిసెంబర్‌లో నాగార్జున సినిమా రిలీజ్‌ చేస్తే హిట్‌ అవుతుందనే సెంటిమెట్‌ కూడా ఉంది. ఇలా గత ఏదేళ్ళుగా జరుగుతోంది. ఈసారి డిసెంబర్‌లో నాగార్జున 'గగనం' ప్రేక్షకుల ముందుకువస్తోంది. ఇప్పటి వరకు నాగార్జున నటించిన చిత్రాలతో పోలిస్తే భిన్నమైన నేపథ్యంలో ఈ సినిమా రూపొందుతోంది. హైజాక్‌ తర్వాత ఆపరేషన్‌ ప్రధానాంశంగా 'గగనం' చిత్రాన్ని మలిచారు. నాగార్జున కథానాయకుడిగా రాధామోహన్‌ దర్శకత్వంలో శ్రీ వెంకటేశ్వర క్రియేషన్స్‌, మాట్నీ ఎంటర్‌టైన్‌మెంట్స్‌ సంయుక్తంగా నిర్మిస్తున్న చిత్రమిది. ప్రస్తుతం నిర్మాణానంతర పనులు జరుగుతున్నాయి.
నాగార్జున మాట్లాడుతూ, 'వైవిధ్యమైన కథాంశంతో తీసే చిత్రాలు ప్రేక్షకాదరణ చూరగొంటాయి. ఆ కోవలో నేటి ఆధునిక సాంకేతిక పరిజ్ఞానాన్ని ఉపయోగించుకుంటూ తీసిన చిత్రమిది. ఇలాంటి నేపథ్యంలో, నూతన పరిజ్ఞానంతో తీసే చిత్రాలు ఆదరణ పొందిన పక్షంలో ఈ తరహా చిత్రాలు మరిన్ని వచ్చేందుకు అవకాశం ఉంటుంది ' అని అన్నారు.
నిర్మాత దిల్‌ రాజు మాట్లాడుతూ, చిత్ర దర్శకుడు రాధామోహన్‌ చెప్పిన కథ నచ్చడంతో ఈ చిత్రాన్ని తీయడం జరిగిందని అన్నారు. ఇందులోని టైటిల్‌ పాత్ర పోషించడానికి నాగార్జున అంగీకరించని పక్షంలో ఈ సినిమా తీసేవాళ్ళం కాదు' అన్నారు.
| Powered by web analytics software. |