కింగ్ నాగార్జున హీరోగా కామాక్షి ఎంటర్‌ప్రైజెస్ పతాకంపై అగ్రనిర్మాత డి. శివప్రసాద్ రెడ్డి, యువదర్శకుడు వీరు పోట్ల దర్శకత్వంలో నిర్మిస్తున్న భారీ చిత్రం రగడ డిసెంబరు 23న ప్రపంచవ్యాప్తంగా విడుదల చేసేందుకు సన్నాహాలు చేస్తున్నారు.
ఈ సందర్భంగా నిర్మాత మాట్లాడుతూ... మా బ్యానర్లో నాగార్జునగారితో చేస్తున్న మరో ప్రతిష్టాత్మక చిత్రం రగడను అన్ని కార్యక్రమాలు పూర్తి చేసి డిసెంబరు 23న ప్రపంచవ్యాప్తంగా విడుదల చేస్తున్నాం. ఇటీవల విడుదలైన ఆడియోకు అసాధారణమైన స్పందన వచ్చింది. అన్ని పాటలు చాలా బాగున్నాయని అంటున్నారు.
అన్ని వర్గాలను ఆకట్టుకునే అంశాలు ఈ చిత్రంలో ఉన్నాయి. ప్రేక్షకులు, అభిమానులు మా రగడ చిత్రాన్ని పెద్ద హిట్ చేస్తారని ఆశిస్తున్నాను అన్నారు. ఈ చిత్రంలో నాగార్జున సరసన అనుష్క, ప్రియమణి, బ్రహ్మానందం, కోటశ్రీనివాసరావు, ధర్మవరపు తదితరులు నటించారు.
