పుట్టినరోజుకి వారంరోజుల ముందుగానే సెలబ్రేట్ చేసుకుంటే సరికొత్త అనుభూతి లభిస్తుంది. సలోనికి ఇటీవల అలాంటి అనుభవమే ఎదురైంది. ఈ అందాల సలోని పుట్టినరోజు డిసెంబరు 3. ఆ రోజున కట్ చేయాల్సిన కేకును సలోని వారం రోజులు ముందుగానే కట్ చేసింది.
ప్రస్తుతం ఆమె తెలుగమ్మాయి అనే చిత్రంలో కథానాయికగా నటిస్తున్న విషయం తెలిసిందే. ఈ చిత్రానికి సంబంధించిన తొలి షెడ్యూల్ రామోజీ ఫిలింసిటీలో ఇటీవల జరిగింది. ఈ షెడ్యూల్ చివరి రోజున ఈ యూనిట్ సలోని బర్త్‌డేని అడ్వాన్స్‌గా సెలబ్రేట్ చేసింది. ఈ బర్త్‌డే బేబీతో కేక్ కట్ చేయించి తెలుగమ్మాయి యూనిట్ సందడి చేసింది.
సలోనీకి హైదరాబాద్ బిర్యానీ అంటే మహా ప్రీతి. అందుకని ఆ రోజు ప్రత్యేకంగా ఆమెకోసం బిర్యాని తెప్పించారట. ఈ యూనిట్ తనపట్ల కనబర్చిన ప్రేమకు సలోని పొంగిపోయింది. ఆ ఆనందంలో కళ్లు చెమర్చినంత పనయ్యిందట. మర్యాదరామన్న తర్వాత సలోని నటిస్తున్న చిత్రం తెలుగమ్మాయి.
