ప్రభాస్ హీరోగా 'రెబల్' చిత్రం అన్నపూర్ణ స్టూడియోలో మొదలైంది. కధ, స్క్రీన్ ప్లే, కొరియోగ్రఫీ, దర్శకత్వం..లారెన్స్ అందిస్తున్న ఈ చిత్రాన్ని ప్రముఖ నిర్మాతలు జె. భగవాన్, జె.పుల్లారావు నిర్మిస్తున్నారు. లారెన్స్ దర్శకత్వంలో దేవుని చిత్ర పటాలపై చిత్రీకరించిన ముహూర్తపు సన్నివేశానికి రెబల్ స్టార్ కృష్ణం రాజు క్లాప్ కొత్తగా, హీరోయిన్ అనుష్క కెమెరా స్విచ్ ఆన్ చేసారు. ఈ సందర్భంగా దర్శకులు లారెన్స్ మాట్లాడుతూ 'ప్రభాస్ తో చేస్తున్న పవర్ ఫుల్ మాస్ స్క్రిప్ట్ ఇది. హండ్రెడ్ పర్శంట్ ప్రభాస్ ని పక్కా మాస్ క్యారెక్టర్ లో చూపిస్తున్నాం' అన్నారు.
నిర్మాతలు జె.భగవాన్, జె.పుల్లారావు మాట్లాడుతూ 'ప్రభాస్ గారితో సూపర్ డూపర్ హిట్ తియ్యాలన్న కోరిక ఈ 'రెబల్' చిత్రంతో నేరవేరుతున్నందుకు చాలా ఆనందం గా వుంది. చాలా హై బడ్జెట్ తో అత్యున్నత సాంకేతిక విలువలతో ప్రభాస్ కెరీర్ లో అత్యంత భారీ చిత్రంగా రూపొందే 'రెబల్' రెగ్యులర్ షూటింగ్ జనవరి నుండి నాన్ స్టాప్ గా జరుగుతుంది' అన్నారు.ఈ ప్రారంభోత్సవానికి నాగార్జున వచ్చి లారెన్స్ కు,యూనిట్ కు శుభాకాంక్షలు తెలియచేసారు.
