"నగరం నిద్రపోతున్న వేళ" చిత్రంలో ఛార్మి ప్రధాన పాత్రలో నటిస్తోంది. గురుదేవ క్రియేషన్స్ పతాకంపై ప్రేమ్‌రాజ్ దర్శకత్వంలో నంది శ్రీహరి, టేకుల ముక్తిరాజ్‌లు సంయుక్తంగా నిర్మిస్తున్న నగరం నిద్రపోతున్న వేళ మొదటి షెడ్యూల్ పూర్తి చేసుకుంది.
నిర్మాతలు మాట్లాడుతూ... నవంబరు 18 నుండి ఈ నెల 3 వరకూ చిత్రీకరణ జరుపుకొని మొదటి షెడ్యూల్ పూర్తి చేసుకుంది. రామోజీ ఫిల్మ్ సిటీలో వేసిన భారీ సెట్‌లో నృత్య దర్శకుడు శివశంకర్ నేతృత్వంలో ఛార్మిపై ఓ పాటను, ఫైట్ మాస్టర్ ప్రభు నేతృత్వంలో ఒక ఫైట్ చిత్రీకరించాం.
హైదరాబాద్ పరిసర ప్రాంతాల్లో చిత్రీకరణ జరిపాం. తదుపరి షెడ్యూల్‌ను జనవరి రెండోవారంలో జరుపడానికి సన్నాహాలు చేస్తున్నాం అన్నారు. ఆహుతి ప్రసాద్, సత్యప్రకాష్, పరుచూరి బ్రదర్స్, శివారెడ్డి తదితరులు నటించిన ఈ చిత్రానికి కథ: దీన్‌రాజ్, మాటలు: పరుచూరి బ్రదర్స్, సంగీతం: యశోకృష్ణ, సహనిర్మాత: టేకుల ముక్తిరాజ్, నిర్మాత: నంది శ్రీహరి, స్క్రీన్ ప్లే, దర్శకత్వం: ప్రేమ్‌రాజ్
