150వ సినిమాను ఎంత తొందరగా విడుదల చేసుకుంటే అంత తొందరగా ఓ రికార్డు పూర్తి చేసుకోవచ్చన్న దిశగా సాగుతున్నాయి దాసరి నారాయణరావు లీలలు. బాలకృష్ణ అమాయకత్వానికి ఎంత మంది బలవుతారన్న విషయం పక్కన పెడితే. నిర్మాత సి కళ్యాణ్ పరిస్థితి ఏమిటన్నదే కొంచెం దీనంగా ఆలోచించాల్సిందే.
మరి రికార్డుల కోసం పాకులాడే దాసరిని చూసి ఎవరైనా ఏదైనా నేర్చుకోవాలా అంటే ముందుగా ఆ వరుసలో ఉండేది నిన్నటి తరం దర్శకుడు ఎ కోదండ రామిరెడ్డి. చిరంజీవితో తిరుగులేని హిట్లిచ్చిన ఈ దర్శకుడు 97 సినిమాలైతే కానిచ్చేశాడు కానీ అక్కడ నుండి కదల్లేక చతికిలబడ్డాడు. మరి దాసరి తూతూ మంత్రంగా బాలయ్య పరమవీర చక్ర షూటింగ్ కానించేస్తున్నాడు కదా అదే దారిలో మీరు కూడా సెంచరీ కొట్టి ఆ రికార్డేదో పూర్తి చేయలేక పోయారా? అంటే పాపం సమాధానం చెప్పలేకపోయాడట. దాసరి అంత పుచ్చు తెలివి తేటలు ఇంకొకరికి రావటం అంటే సామాన్యమైన విషయమా?
