ఒక ఊరిలో, కోకిల వంటి చిత్రాల్లో నటించి ఫేడ్ అవుట్ అయిన కధానాయిక సలోనిని మర్యాదరామన్న చిత్రంతో వెలుగులోకి తెచ్చారు దర్శకుడు రాజమౌళి. ఇక ఈ చిత్రం తర్వాత సలోని కెరీర్ కు డోకా ఉండదని అనుకున్నారు అందరూ. కానీ ఈ తారను మర్యాదరామన్న తర్వాత కూడా పెద్ద క్రేజీ ఆఫర్లెమీ వరించలేదు. ఇక సహనం నటించిన ఈ ముద్దుగుమ్మ కొత్త హీరోలతో రూపొందుతున్న తెలుగమ్మాయి చిత్రంలో నటిస్తున్నారు.
ఒకరకంగా చెప్పాలంటే ఇది లేడి ఓరియంటెడ్ సినిమాగానే చెప్పాలి. అయితే తెలుగమ్మాయి పేరుతో రూపొందుతున్న ఈ చిత్రంలో పంజాబీ కధానాయిక సలోనిని ఎంపిక చేసుకోవడం విశేషంగా చెప్పుకోవాలి. రాజా వన్నెం రెడ్డి దర్శకత్వంలో వానపల్లి బాబురావు ఈ సినిమాని నిర్మిస్తున్నారు. ఈ సినిమా కధ గురించి దర్శకుడు చెబుతూ నలుగురు కుర్రాళ్ళు, ఒక అమ్మాయి సికింద్రాబాద్ నుంచి గోదావరి ఎక్స్ ప్రెస్ లో బయలుదేరి సామర్లకోట వరకు వెళతారు. ఈ రైలులోనే సినిమా సగభాగం వుంటుంది. ఆ రైలులో జరిగే సంఘటనలు వినూత్నంగా ఉంటాయి. పూర్తి వినోదాత్మకంగా, కుటుంబ సమేతంగా చూడదగిన సినిమా ఇది. తెలుగమ్మాయి ఎలా ఉండాలో తెలియచెప్పే చిత్రమిది అని దర్శకుడు రాజావన్నెం రెడ్డి చెప్పుకొచ్చారు.
ఒకరకంగా చెప్పాలంటే ఇది లేడి ఓరియంటెడ్ సినిమాగానే చెప్పాలి. అయితే తెలుగమ్మాయి పేరుతో రూపొందుతున్న ఈ చిత్రంలో పంజాబీ కధానాయిక సలోనిని ఎంపిక చేసుకోవడం విశేషంగా చెప్పుకోవాలి. రాజా వన్నెం రెడ్డి దర్శకత్వంలో వానపల్లి బాబురావు ఈ సినిమాని నిర్మిస్తున్నారు. ఈ సినిమా కధ గురించి దర్శకుడు చెబుతూ నలుగురు కుర్రాళ్ళు, ఒక అమ్మాయి సికింద్రాబాద్ నుంచి గోదావరి ఎక్స్ ప్రెస్ లో బయలుదేరి సామర్లకోట వరకు వెళతారు. ఈ రైలులోనే సినిమా సగభాగం వుంటుంది. ఆ రైలులో జరిగే సంఘటనలు వినూత్నంగా ఉంటాయి. పూర్తి వినోదాత్మకంగా, కుటుంబ సమేతంగా చూడదగిన సినిమా ఇది. తెలుగమ్మాయి ఎలా ఉండాలో తెలియచెప్పే చిత్రమిది అని దర్శకుడు రాజావన్నెం రెడ్డి చెప్పుకొచ్చారు.
