ఏ మాయ చేశావే చిత్రం లో సమంత తో రొమాన్స్ చేసి విజయం సాధించాడు నాగ చైతన్య. ప్రస్తుతం తమన్నతో ప్రేమ వ్యవహారం నడిపే పనిలో కొత్త సినిమా చేస్తున్నాడు. గతంలో ఆర్య, జగడం, ఆర్య 2 చిత్రాలు చేసిన దర్శకుడు సుకుమార్ ఓ టీనేజ్ ప్రేమకధతో ఈ సినిమా రూపొందిస్తున్నాడు.
ఈ చిత్రానికి మొదట్లో 'దట్ ఇజ్ మహా లక్ష్మి' అనే పేరు అనుకున్నారు. అలాగే ఈ సినిమాకి హీరోగా వరుణ్ సందేశ్ ను అనుకున్నారు కానీ ఆ స్థానాన్ని నాగ చైతన్య భర్తీ చేయడం తో టైటిల్ మార్చాల్సిన పరిస్థితి వచ్చింది. అందుకని సుకుమార్ కధకు అనుగుణంగా 'ఐ లవ్ యు' అనే టైటిల్ ను దాదాపు ఖరారు చేసినట్టు సమాచారం. ఈ చిత్రాన్ని అల్లుఅరవింద్ సమర్పణలో గీత ఆర్ట్స్ బ్యానర్ ఫై బన్నీ వాసు నిర్మిస్తున్నారు.
సుకుమార్ గత చిత్రాలకు సంగీతాన్ని సమకూర్చిన దేవి శ్రీ ప్రసాద్ ఈ సినిమాకు కూడా సంగీతాన్ని అందిస్తున్నారు. అంతే కాకుండా నాగ చైతన్య తన తాత ఏ.యన్.ఆర్ ప్రేమాభిషేకం లోని హిట్ సాంగ్ 'నా కళ్ళు చెబుతున్నాయి' పాట రిమిక్స్ కు స్టెప్పులు వేయబోతున్నాడు.
