రాజమౌళి ఇప్పటివరకూ ఎన్టీఆర్, ప్రభాస్, నితిన్, రామ్ చరణ్ లకు దిమ్మతిరిగిపోయే హిట్లు ఇచ్చాడు. ఆ హిట్లను ఈ హీరోలు బాగానే ఎంజాయ్ చేసారు. కానీ రాజమౌళితో సినిమా చేసిన తర్వాత మళ్ళీ ఆ స్థాయి హిట్ ను చవి చూడటానికి జూ ఎన్టీఆర్, ప్రభాస్ నానా పాట్లు పడాల్సివచ్చింది. నితిన్ అయితే రాజమౌళి తో ‘సై’ మూవీ చేసిన తర్వాత ఇప్పటి వరకూ ఒక హిట్ కూడా చవిచూడలేదు. ‘మగధీర’ చిత్రం తర్వాత రామ్ చరణ్ కూడా ఈ హీరోల జాబితాలో చేరిపోయాడు. ఈ చిత్రం తర్వాత చేసిన ‘ఆరెంజ్’ ప్లాప్ అయ్యింది. తన తదుపరి చిత్రాల పరిస్థితి ఏమవుతుందో అని భయపడుతున్నాడట చరణ్. రాజమౌళితో ఒక హిట్ పొందితే అంతే సంగతులు. తన హీరోలుకు సెన్సేషనల్ హిట్స్ ని అందించడంతో రాజమౌళిని గోల్డెన్ హ్యాండ్ అనాలో, లేక..ఆ తర్వాత ఆ హీరోలు సరైన హిట్లులేక విలవిల్లాడటం చూస్తుంటే ఐరెన్ లెగ్ అనాలో తెలియక కొంతమంది సినీపండితులు బుర్రలు బద్దలుకొట్టుకుంటున్నారు.
