పవన్ కల్యాణ్ హీరోగా ‘బిల్లా, సర్వం’చిత్రాల దర్శకుడు విష్ణు వర్ధన్ దర్శకత్వంలో రూపొందనున్న చిత్రంలో ఒక హీరోయిన్ గా మాజీ మిస్ ఇండియా శారా జానే ఎంపికైంది. ‘ప్యాంటలూన్స్ ఫిమినా మిస్ ఇండియా వర్డ్ 2007’ సంవత్సరానికి మిస్ ఇండియాగా ఎంపికైన శారా గతంలో ఛానెల్ V లో వీజేగా పనిచేసింది. 'కిలాడీ' పేరుతో తెలుగులోకి డబ్ అయిన ‘తీరత్త విలయాట్టు పిళై’హీరో విశాల్ సరసన తమిళ సినిమాలో ఈమె తొలిసారిగా నటించింది. ప్రస్తుతం అభిషేక్ బచ్చన్ తో 'గేమ్' హిందీ సినిమాలో హీరోయిన్ గా నటిస్తోంది. ఇదిలా ఉంటే, పవన్ కల్యాణ్ ఈ సినిమాలో గ్యాంగ్ స్టర్ గా నటించనున్నట్టు తెలుస్తోంది. అలాగే ఇందులో ప్రముఖ బాలీవుడ్ నటుడు జాకీ ష్రాఫ్ కూడా ఓ కీలక పాత్రను పోషిస్తున్నాడు. ఈ సినిమా కోసం 'ది షాడో' అనే టైటిల్ ని పరిశీలిస్తున్నారు. మార్చ్ మొదటి వారంలో షూటింగును ప్రారంభించుకునే ఈ చిత్రాన్ని నీలిమ తిరుమలశెట్టి, శోభు యార్లగడ్డ కలిసి నిర్మిస్తున్నారు. యువన్ శంకర్ రాజా దీనికి సంగీతాన్ని సమకూరుస్తాడు.
