జూనియర్ ఎన్టీఆర్‌ హీరోగా వైజయంతీ మూవీస్‌ పతాకంపై టాలెంటెడ్‌ డైరక్టర్‌ మెహర్‌ రమేష్‌ దర్శకత్వంలో మెగాప్రొడ్యూసర్‌ సి.అశ్వనీదత్‌ నిర్మించిన చిత్రం 'శక్తి'. తెలుగు సినిమా చరిత్రలో అత్యంత భారీ బడ్జెట్‌తో రూపొందుతున్న 'శక్తి' చిత్రం బిజినెస్‌పరంగా కూడా సరికొత్త రికార్డులు సృష్టిస్తోంది. ఫిబ్రవరి 27వ తేదీన హైదరాబాద్‌లోని లలితకళాతోరణంలో జరగనున్న పబ్లిక్‌ ఫంక్షన్‌లో అభిమానుల సమక్షంలో శక్తి ఆడియో ఆవిష్కరణ అత్యంత వైభవంగా నిర్వహించనున్నారు. ఈ చిత్రం ఆడియోను ఆదిత్య మ్యూజిక్‌ మార్కెట్‌లోకి విడుదల చేస్తోంది. ఈ సందర్భంగా నిర్మాత అశ్వనీదత్‌ మాట్లాడుతూ.. మా సంస్థ నుంచి వచ్చిన సినిమాలన్నీ మ్యూజికల్‌గా పెద్ద హిట్‌ అయ్యాయి. మా బేనర్‌లో వచ్చిన చాలా సినిమాలకు మణిశర్మ హిట్‌ మ్యూజిక్‌ను అందించారు. ఎన్టీఆర్‌ హీరోగా ఎంతో ప్రతిష్టాత్మకంగా నిర్మిస్తున్న 'శక్తి' చిత్రానికి అద్భుతమైన సంగీతాన్ని మణిశర్మ సమకూర్చారన్నారు. అభిమానుల సమక్షంలో మా శక్తి ఆడియో ఫంక్షన్‌ని గ్రాండ్‌గా చేయనున్నామన్నారు. దర్శకుడు మెహర్‌ రమేష్‌ మాట్లాడుతూ.. ఈ చిత్రానికి మణిశర్మ అందించిన పాటలు చాలా ఎక్స్‌లెంట్‌గా ఉన్నాయి. ఆడియో చాలా పెద్ద రేంజ్‌లో వుంటుంది. ఈ సినిమాకు మ్యూజిక్‌ పెద్ద ఎస్సెట్‌ అవుతుంది. ఎన్టీఆర్‌ కాంబినేషన్‌లో చేస్తున్న శక్తి డెఫినెట్‌గా మరో సెస్సేషనల్‌ మూవీ అవుతుంది అన్నారు. ఇలియానా, మంజరి, ఎస్‌పి.బాబు, మంజుభార్గవి, సోనూసూద్‌ తదితరులు నటిస్తున్న ఈ చిత్రానికి కెమెరా: సమీర్‌రెడ్డి, కథ,స్క్రీన్‌ప్లే, దర్శకత్వం: మెహర్‌రమేష్‌.
