స్టైలిష్ స్టార్ అల్లు అర్జున్ మరి కొద్ది రోజుల్లో బ్యాచ్ లర్ లైఫ్ కి గుడ్ బై చెబుతున్నాడని టాలీవుడ్ ఇండస్ట్రీలో ప్రతి ఒక్కరికీ తెలుసు. అల్లు అర్జున్, స్నేహారెడ్డిల వివాహం మార్చి 6న హైటెక్స్ లో జరగనున్న విషయం తెలిసిందే. ఈమధ్యే తన చివరి బ్యాచ్ లర్ పార్టీని ఫ్రెండ్స్ తో కలిసి సెలబ్రేట్ చేసుకున్నాడు అల్లు అర్జున్. హీరో రాణా స్పెషల్ గా ఎరేంజ్ చేసిన ఈ పార్టీకి రామ్ చరణ్ తేజ్, ప్రభాస్, నాగచైతన్య, శర్వానంద్, నవదీప్, నాని సుమంత్, డైరెక్టర్ క్రిష్, సెల్వరాఘవన్, లక్ష్మీప్రసన్న, అర్చన, మధుశాలినిలతో పాటు సినీ పరిశ్రమకు చెందిన అల్లు అర్జున్ ఫ్రెండ్స్ ఈ పార్టీకి హాజరయ్యారు. పారిశ్రామిక రంగానికి చెందినవారు కూడా ఈ పార్టీకి హాజరయ్యారు. అందురూ యువ హీరోలు, యువ హీరోయిన్లు పాల్గొన్న ఈ పార్టీని చాలా గ్రాండ్ గా ఎరేంజ్ చేశారని, కాస్ట్ లీ డ్రింక్స్ తో పార్టీని చాలా ఆనందంగా జరుపుకున్నారని తెలిసింది.
