సల్మాన్ ఖాన్‌కు లవ్ కలిసొచ్చినట్లు లేదు. ఎవర్ని ప్రేమించినా చివరికి హ్యాండ్ ఇచ్చేస్తున్నారు. చాలాకాలం క్రితం ఐష్‌ను ప్రేమిస్తే అది కాస్తా బెడిసి కొట్టి ఆ అందాల రాశిని అభిషేక్ తన్నుకెళ్లాడు. ఐష్ పెళ్లయిన పిమ్మట అతని కంట్లో పడ్డ మరో లేడీలవ్ కత్రినా కైఫ్. అయితే ఈమెతో సల్లు నడిపిన ప్రేమాయణం కూడా గత కొంతకాలంగా అతుకుల బొంతలా మారిపోయింది. ప్రస్తుతం కత్రినాకైఫ్ సల్మాన్‌ను తప్పించుక తిరుగుతున్నట్లు భోగట్టా. ఈ సంగతి అటుంచి బాలీవుడ్ కుర్రహీరో రణబీర్ కపూర్‌తో పీకల్లోతు ప్రేమలో కూరుకుపోయినట్లు బాలీవుడ్ సినీజనం ఒహటే చెప్తున్నారు. ఈ విషయం తెల్సిన సల్మాన్ పళ్లు పటపట కొరుకుతున్నాడట. దీంతో సల్మాన్ పేరు చెపితే కత్రినా గడగడా వణికిపోతోందట. త్వరగా పెళ్లి చేసేస్కుంటే ఐష్‌ను వదిలేసినట్లు తనను కూడా వదిలిపెట్టేస్తాడని రణబీర్ వద్ద తెగ గొడవ పెడుతోందట. రణబీర్ తన తల్లిదండ్రులను ఒప్పించడానికి నానా తంటాలు పడుతున్నాడట. వాళ్లేమో... ఎందుకొచ్చిన గోలరా బాబూ.. అనే టైపులో ప్రవర్తిస్తున్నారట. అయితే రణబీర్ మాత్రం చేస్కుంటే కత్రినానే చేస్కుంటానని తెగేసి చెప్పినట్లు భోగట్టా. ఇంత జరుగుతుంటే సల్మాన్ చూస్తూ ఊరుకుంటాడా...?
