'కిక్‌' వంటి సూపర్‌హిట్‌ చిత్రాన్ని నిర్మించిన ఆర్‌.ఆర్‌.మూవీ మేకర్స్‌ సమర్పణలో 'మిరపకాయ్‌' వంటి సూపర్‌హిట్‌ చిత్రాన్ని నిర్మించిన ఎల్లోఫ్లవర్స్‌ బేనర్‌లో 'కిక్‌' సురేందర్‌రెడ్డి దర్శకత్వంలో రమేష్‌ పుప్పాల తమ ద్వితీయ చిత్రాన్ని ప్రారంభిస్తున్నారు. ఈ చిత్రం గురించి నిర్మాత రమేష్‌ పుప్పాల మాట్లాడుతూ - ''మా బేనర్‌లో వచ్చిన తొలి చిత్రం 'మిరపకాయ్‌'ను 114 కేంద్రాల్లో అర్థశతదినోత్సవం జరుపుకునేలా ఆదరించిన ప్రేక్షకులకు కృతజ్ఞతలు. అతిత్వరలో సురేందర్‌రెడ్డి దర్శకత్వంలో మా ద్వితీయ చిత్రాన్ని ప్రారంభించబోతున్నాం. సురేందర్‌రెడ్డి చెప్పిన స్టోరీ లైన్‌ ఎక్స్‌ట్రార్డినరీగా వుంది. ప్రముఖ యువ హీరో ఈ చిత్రంలో కథానాయకుడిగా నటిస్తారు'' అన్నారు. కో-ప్రొడ్యూసర్‌ వి.సురేష్‌రెడ్డి మాట్లాడుతూ - ''కిక్‌లాంటి సూపర్‌హిట్‌ చిత్రాన్ని నిర్మించిన మా ఆర్‌.ఆర్‌. మూవీ మేకర్స్‌ సమర్పణలో సురేందర్‌రెడ్డితో ఈ చిత్రం చేయడం హ్యాపీగా వుంది. భారీ తారాగణంతో, హై టెక్నికల్‌ వేల్యూస్‌తో ఈ చిత్రం రూపొందుతుంది'' అన్నారు. ఈ చిత్రానికి సమర్పణ: ఆర్‌.ఆర్‌. మూవీ మేకర్స్‌, కో-ప్రొడ్యూసర్‌: వి.సురేష్‌రెడ్డి, నిర్మాత: రమేష్‌ పుప్పాల, కథ-స్క్రీన్‌ప్లే-దర్శకత్వం: సురేందర్‌రెడ్డి.
