బాలీవుడ్ నటుడు షాహిద్ కపూర్ జన్మదిన వేడుకల్లో పరిసరాలు మరిచి, తమ చుట్టూ ఉన్న సహ నటీనటులను విస్మరించి బాలీవుడ్ జంట రణవీర్ సింగ్, అనుష్క శర్మ ముద్దుల్లో మునిగి తేలిపోయారట. బ్యాండ్ బాజా బారాత్ సినిమాలో కలిసి నటించిన ఈ జంట మధ్య ప్రేమాయణం నడుస్తున్నట్లు ఊహాగానాలు చెలరేగుతూ వచ్చాయి. ఇప్పటి వరకు వారిద్దరు కూడా ఆ ఊహాగానాలను ఖండిస్తూ వచ్చారు. కానీ, అవి ఊహాగానాలు కావని, వాస్తవమేనని ఆ జంటే పది మందిలో ముద్దుల మురిపాల్లో తేలిపోయి తేల్చేశారు. చేతులో చేతులు వేసుకుని రణవీర్, అనుష్క షాహిద్ కపూర్ బర్త్ డే వేడుకలకు వచ్చేశారు. అనుష్క నడుం చుట్టూ చేయి వేసి రణవీర్ తిరుగుతూ వచ్చాడట. కలిసి నృత్యం చేశారు. కాస్తా మద్యం కూడా సేవించారు. ఇంకేముంది, ఇరువురి మధ్య ప్రేమ పురులు విప్పింది. అంతే, ఇరువురు పెదవులతో పెదవులు కలిపి ముద్దులు పెట్టుకున్నారు. అందరి నోళ్లల్లో నానుతామని తెలిసి కూడా వారు ఈ పని చేశారు.
